Vil du vere med å ta vare på den mest trua naturen?

Vi søkjer ein dyktig og engasjert vikar til arbeidet med å ta vare på trua natur. Dette er ein jobb for deg som har god kunnskap om økologi, er oppteken av heilskap og samanhengar i naturen og interessert i å følgje opp trua artar og naturtypar i samarbeid med andre styresmakter og samfunnsaktørar. Bruk av digitale hjelpemiddel for analyse og formidling vil vere sentralt i arbeidet. 

Stillinga ligg under seksjon for trua artar og naturtypar. Seksjonen har ansvar for å utarbeide og følgje opp handlingsplanar for trua artar og naturtypar. Vi har òg eit særleg ansvar for hovudøkosystemet kulturlandskap og ope lågland. Arbeidet med å følgje opp internasjonale konvensjonar og avtalar på naturmangfaldområdet ligg òg til seksjonen. 

Seksjonen har 11 medarbeidarar, og vi har arbeidsstad på Brattøra i Trondheim. Hos oss blir du ein del av eit allsidig og engasjert fagmiljø som arbeider med å ta vare på naturmangfaldet i Noreg og internasjonalt. Vi arbeider både sjølvstendig, i mindre faggrupper og saman med andre fagmiljø i Miljødirektoratet.

Stillinga sine hovudansvarsområde

• oppgåver innafor forvaltning av trua artar og trua naturtypar, blant anna å utarbeide og følgje opp handlingsplanar, å forvalte regelverk og tilskotsordningar og å medverke til god samordning av verkemiddelbruk internt i miljøforvaltninga og i samarbeid med andre sektorar 

• å skaffe og gjere tilgjengeleg ny kunnskap for forvaltning av trua natur, kunnskap som skal kome til nytte i miljøforvaltninga, arealforvaltninga i kommunane og arealbruken i andre sektorar 

• å medverke til å utvikle arbeidet med økosystembasert forvaltning i seksjonen 

• å delta i andre arbeidsoppgåver innanfor fagområda til seksjonen 

Kompetansekrav

Kvalifikasjonar

• relevant utdanning på masternivå, helst innafor økologi eller naturforvaltning. Årets kandidatar kan søke, under føresetnad av at alle eksamenar vert bestått dette semesteret.

• god økologisk kunnskap og kunnskap om artar og naturtypar i norsk natur 

• god i munnleg og skriftleg norsk 

• erfaring frå analysearbeid og handtering av miljødata er ønskeleg. 

• god digital kompetanse, og gjerne kjennskap til kartlegging av naturtypar etter NiN og kartanalyse (GIS). 

• kjennskap til offentleg forvaltning er ønskeleg 

• god munnleg og skriftleg formuleringsevne på engelsk

Eigenskapar

• Du har god rolleforståing og ser heilskap og samanhengar. 

• Du er strukturert og sikrar framdrift i eige arbeid og saman med andre. 

• Du er utviklingsorientert og liker å finne gode løysingar 

• Du har gode relasjonelle eigenskapar og samarbeider godt på tvers. 

Vi vil leggje vekt på at du er personleg eigna for stillinga.

Vi tilbyr

• vikariat med antatt varigheit til 30. juni 2026

• utfordrande arbeidsoppgåver på eit viktig samfunnsområde 

• gode høve til fagleg og personleg utvikling eit breitt utval av sosiale, kulturelle og sportslege aktivitetar, inkludert trening i arbeidstida 

• fleksible arbeidstidsordningar og gode pensjonsordningar i Statens pensjonskasse 

• lønn som rådgjevar/seniorrådgjevar i lønnsspennet frå kr kr 560 000 - kr 830 000, etter erfaring og kvalifikasjonar. Særskilt kvalifisert søker kan vurderast høgare.

Har du spørsmål?

Kontaktperson for stillinga er seksjonsleiar Aina Holst, tlf. 99 54 19 21 eller e-post aina.holst@miljodir.no.

Oppgi referansenummer 33-2025 LTR når du tek kontakt.

Generelle opplysningar

Du må søkje på stillinga via Jobbnorge.no. Skriv søknaden på norsk, og legg ved relevante attestar og utdannelse tatt i utlandet. Vitnemål for utdannelse tatt i Norge må du laste opp i Vitnemålsportalen.

Søkjarlistene blir offentlege når søknadsfristen har gått ut. Om du ikkje ønskjer å stå på den offentlege søkjarlista, må du grunngi kvifor. Vi tek kontakt med deg dersom vi ikkje tek ønsket ditt til følgje, og du får høve til å trekkje søknaden din. 

Vi oppfordrar deg til å krysse av i jobbportalen dersom du har funksjonsnedsetjingar, hòl i CV-en eller innvandrarbakgrunn. Vi kallar inn minst éin kvalifisert søkjar frå kvar av desse gruppene til intervju. Du kan lese meir om dette på Statens arbeidsgivarportal (https://arbeidsgiver.dfo.no/strategisk-hr/inkluderingsdugnaden/bli-bedre-pa-rekruttering/hvordan-skrive-stillingsannonser-som-0). Avkryssinga blir også brukt i ein anonymisert statistikk som alle statlege verksemder har med i årsrapportane sine.

Meir informasjon om korleis vi handterer opplysningar om deg som søkjar, kan du finne i personvernerklæringa (https://www.miljodirektoratet.no/personvernerklaring/) vår.