Trafikkteknikk og trafikkanalyse

Har du kompetanse innan trafikkteknikk og trafikkanalysar og har du lyst til å bidra med å utvikle regionen saman med oss? Da er dette ei stilling du bør søke på.

Vi kan love deg ein variert og meiningsfull arbeidskvardag med faglege komplekse utfordringar og mykje autonomi. Det vi gjer betyr mykje for innbyggarane og omgjevnadene. Vi set verdiane våre; open, modig og kompetent høgt. Vi støttar og utfordrar kvarandre i kvardagen. Seksjonen har eit svært godt arbeidsmiljø med 25 kompetente og engasjerte kollegaer. Det er gode moglegheiter for både personleg og fagleg utvikling i denne stillinga.

Om du ønsker å sette retning, oppleve lagfølelse og tillit, så er dette arbeidsplassen for deg!

Arbeidsoppgåver

Skilt- og vegoppmerking

Skilt- og vegoppmerking er avgjerande for å ivareteke trafikktryggleik og framkomst kan skje på ein oversiktleg og trygg måte. I denne stillinga vil du samarbeide i interne prosjekter knytt til utarbeiding av skiltplanar, og du vil sakshandsame førespurnader om endringar på skilt og vegoppmerking langs fylkesvegnettet.

Trafikkanalysar

Korleis vil ei utbygging påverke trafikkflyten og framkomsten til kollektiv, gåande og syklande? Ein sentral oppgåve til denne stillinga vil vere å utarbeide trafikkanalysar i eigenregi-prosjekt, og vurdere trafikkanalysar som er utarbeid i forbindelse med eksterne planar. Du vil rettleie med din fagkunnskap i ulike prosjekt og planar både internt og eksternt. Du vil arbeide sjølvstendig med dine oppgåver og prosjekt, men også samarbeide med kollegaer innan ulike fagområde.

Kvalifikasjonar

• Høgare utdanning på bachelor- eller masternivå.
• Arbeidserfaring innan vegforvaltning, skilt- og vegoppmerking eller trafikkanalysar er eit pluss.
• Ønskjeleg med kunnskap innan programvarer som: Aimsun, Sidra, Crossig, AutoCAD og Visio.
• Førerkort klasse B.

Personlege eigenskapar

Vi ser etter deg som kan arbeide sjølvstendig, men også vere ein lagspelar saman med resten av seksjonen og avdelinga. Du er opptatt av detaljer, men at du også kan sjå samanhengar og heilheita i arbeidet. Du er flink å kommunisere og bidra med rettleiing og gje informasjon på ei slik måte at alle kan forstå. Vi ønskjer også ein som vil ta aktiv del i val av løysningar og sette retning for framtida.

Vi tilbyr

• Moglegheit for kurs og kompetanseheving.
• Fagsamlingar og sosiale arrangement.
• Fleksibel arbeidstid og sommartid.
• Gode forsikrings- og pensjonsordningar.
• Løn og stillingstittel etter avtale.
• Kontorstad Bergen eller Stord.