Rådgjevar i kommunalsjefens stab

Kan du tenke deg å jobbe med samfunnsutvikling, folkehelse og beredskap?

Denne spennande og utfordrande stillinga er plassert i stab hos kommunalsjef Samfunn og inngår i leiargruppa til kommunalsjefen.

Regionsenteret Bryne har, saman med Stavanger og Sandnes, høgaste regionale prioritet for utvikling i Regionalplan for Jæren og Søre Ryfylke. Arbeidet med samfunnsvikling er ein viktig del av oppgåva som ligg til tenesteområdet Samfunn, og du vil få vera med på å påverka denne utviklinga. Dette arbeidet skjer i tverrfaglege samarbeid, og du vil jobba tett på kommuneplanleggarane i det overordna planarbeidet som Samfunn har ansvaret for.

Du vil ha det overordna ansvaret for kommunen sitt arbeid innan folkehelse og vil leia kommunen sitt tverrfaglege folkehelseteam. Du vil òg ha ansvaret for å utarbeida og følga opp folkehelseplanen, følga opp partnarskapsavtalen med fylkeskommunen, delta i planarbeid og tverrfagleg samarbeid både internt og eksternt og delta i kommunen sitt arbeid med tilrettelegging for friluftsliv. Folkehelse er eit av satsingsområda i kommuneplanen, og ny folkehelseplan blei vedtatt av kommunestyret i mars 2024.

Som beredskapskoordinator har du ein operativ funksjon med ansvar for å handtera lokale hendingar og vera ein viktig samarbeidspartnar for dei ulike verksemdene i kommunen i deira beredskapsarbeid. Framtidig organisering av beredskapsarbeidet i kommunen er under utgreiing, og rådgjevarstillinga kan i samband med dette òg få eit meir overordna ansvar for samfunnstryggleik og beredskap.

Du vil vera ei administrativ støtte for kommunalsjefen. Dette inneber mellom anna saksbehandling, utgreiingsarbeid, skriving av saksframlegg til folkevalde organ og å bidra til oppfølging av vedtaka. Time kommune er ein nynorskkommune, og du må rekna med òg å nytta nynorsk i skriftleg framstilling. Stillinga er under utvikling og andre oppgåver kan bli lagt til stillinga.

Arbeidsstaden er Time rådhus på Bryne med kort veg til tog og busstasjon.

Kvalifikasjonar

Me søker deg som har god kjennskap til fagområda samfunnsutvikling og folkehelse
Det er ein fordel om du har kunnskap og erfaring frå beredskapsarbeid
Du har høgare relevant utdanning på masternivå, relevant kompetanse kan kompensere for manglande mastergrad
Du må ha gode norskkunnskapar, både skriftleg og munnleg
Erfaring frå offentleg forvaltning er ein fordel
Førarkort klasse B
God digital kunnskap

Personlege eigenskapar

Du er samfunnsengasjert, motiverande og har god gjennomføringskraft
Du har engasjement for utvikling og samarbeid og har gode samarbeidsevner
Du er tillitsskapande og ein involverande realasjonsbyggar som legg vekt på dialog med politikarar, administrasjon og samarbeidspartnarar
Du har evnen til både å jobbe sjølvstendig og i team og ser verdien av eit bredt tverrfagleg samarbeid
Du må ha gode kommunikasjonsevner og framstår klar og tydeleg
Du må vere villig til å ta fatt på nye arbeidsoppgåver etter kvart som organisasjonen utviklar seg
Personleg eignaheit vil bli vektlagt

Vi tilbyr

Utfordrande arbeidsoppgåver i ein organisasjon i utvikling
Mogelegheit for fagleg og personleg utvikling innafor ulike fagområder
Godt tverrfagleg arbeidsmiljø
Lønn etter avtale
God pensjon- og forsikringsordning
Fleksibel arbeidstid