Vil du bli ein del av malaravdelinga i Ulstein?

Ulstein Verft er inne i ei spennande fase med fleire signerte kontrakter på både nybygg og ettermarkedsoppdrag. Vi gler oss over ein langsiktig og stabil horisont med mykje aktivitet, og treng difor fleire operatørar i malaravdelinga. Arbeidsdagen er prega av spennande og utfordrande oppgåver som skal løysast, og du vil jobbe i lag med mange dyktige kollegaer.

Intervju vert gjennomført fortløpande.

Oppgåver du vil jobbe med

Arbeidsoppgåvene er varierte, og kan blant anna innebere:

• Forbehandling og maling av innvendige og utvendige område, nybygg
• Bistå med vask, forbehandling og maling av utvendige skip, ettermarknadsoppdrag
• Arbeid i sandblåse- og malehall ved behov
  

Kvalifikasjonar

Vi ser etter deg med relevant fagbrev og erfaring innan malarfaget. Det vil også vere nødvendig å kunne kommunisere på norsk og/eller engelsk slik vi kan diskutere og løyse oppgåvene i fellesskap.

Lagånda står sterkt i Ulstein og ved å ha godt humør og vilje til å bidra skal vi saman hjelpe kvarandre til å gjer Ulstein til ein trygg og kjekk arbeidsplass.

Kvifor velje Ulstein som arbeidsplass

Ulstein Verft byr på variert jobb, gode kollegaer og moglegheit for personleg utvikling. Ulstein er ein trygg arbeidsplass med gode HMS-verdiar, gode forsikrings- og pensjonsordningar samt fleksitidsavtale for våre tilsette. Vi har gode produksjonsfasilitetar der arbeidet i all hovudsak foregår innandørs i vår utrustnings- og dokkhall. Det er ei god kjensle å vere ein del av eit over 100 år gamalt selskap forbunden med kvalitet, påliteligheit og leveringspresisjon.

I hjartet av Sunnmøre

Om du treng å flytte for å jobbe i Ulstein, så er Ulsteinvik og kommunene rundt ein flott plass å bu i hjartet av Sunnmøre. Det er kort veg til kino, konsertar, badeland, klivrehall, restaurantar og butikkar. Omkransa av fjell og turterreng til fots, på sykkel eller ski. Og berre ein liten times reise til bylivet i Ålesund eller naturopplevingar i Sunnmørsalpane