Vil du bli ein del av Team Møre?

Vi søker engasjert rådgivar

Vil du bli ein del av Team Møre? Til vårt kontor i Vanylven har vi eit ledig vikariat (ut oktober 2026) som finansiell rådgivar.

Som finansiell rådgivar får du ansvaret for dine eigne kundar, og du vil følge kundane gjennom alle livets fasar ved å gi trygg og god økonomisk rådgiving. Du får arbeide bredt og hjelpe kundane både med finansiering, forsikring og sparing. Vi ønsker at du som rådgivar også skal arbeide aktivt for å skaffe nye kundar til banken.

Det er flott om dette er deg:

• Du knyter lett kontakt med menneske og skapar gode relasjonar
• Du er serviceinnstilt, har personleg drivkraft og er glad i å lære

Uavhengig av din bakgrunn vil vi gi deg grundig opplæring, og vi ser etter ein medarbeidar som passar godt inn i vårt team. Det viktigaste for oss er deg, din kompetanse og ditt engasjement!

I Team Møre gløder vi for lokalsamfunnet, og håper du gjer det same. Vi ønsker å gjere ein forskjell, no og i framtida og ser difor etter deg som kjenner deg att i våre verdiar: engasjert, nær og handlekraftig.

Vi skapar verdiar saman

Dette er vårt løfte til deg som medarbeidar. I tillegg til at du får ei rekke godar som tilsett i Sparebanken Møre, skal du også oppleve at vi som arbeidsgivar bidreg til å skape arbeidsglede og at du skal få innflytelse. Vi skal satse på din kompetanse, og saman skal vi vere pådrivarar for verdiskaping.

Ved kontoret vårt i Vanylven, som vil vere din arbeidsplass, jobbar det i dag 4. rådgivarar. I tillegg vil du få omtrent 400 kollegaer fordelt på hovudkontoret i Ålesund og våre kontor i Møre og Romsdal, og Oslo. Vi jobbar kvar dag for å ha eit ope og inkluderande arbeidsmiljø, og vektlegg samarbeid, utvikling og kompetansedeling.

I Sparebanken Møre får du ikkje berre ein jobb. Du blir ein del av eit team. Vi er først og fremst opptatt av å skape gode opplevingar for kundane våre, kvar dag.

Vi håper du er inspirert til å bli ein del av Team Møre!

Søk innan 13. april