Rådgivar/seniorrådgivar

Om stillinga

Er du interessert i spennande og komplekse arbeidsoppgåver på eit viktig samfunnsområde? Ønsker du å ha ei rolle i utforminga av framtidas velferdspolitikk? Trivst du med å jobbe med dagsaktuelle sakar og problemstillingar? Liker du samstundes å arbeide med meir langsiktig analyse og politikkutvikling? Da kan du vere den personen vi ser etter!

Vi har ledig ei fast stilling som rådgivar/seniorrådgivar (samfunnsøkonom eller samfunnsvitar) i Seksjon for uføreytingar og internasjonale saker (SUI). Det kan i tillegg vere aktuelt med eit vikariat på eitt år. 

Seksjonen har ansvar for uføretrygd, hjelpemiddel, grunn- og hjelpestønad, koordinering av internasjonale saker i avdelinga og koordineringa av avdelinga sitt FoU-arbeid, samt departementet sin FoU-dialog med Arbeids- og velferdsdirektoratet. 

Seksjonen har 10 dyktige og engasjerte medarbeidarar med tverrfagleg kompetanse.

Arbeidsoppgåver

Du vil særleg få oppgåver knytt til uføretrygd og/eller hjelpemiddelområdet. Du vil bidra i seksjonens arbeid i prosessen med dei årlege statsbudsjetta og i styringa av Arbeids- og velferdsdirektoratet (NAV). Det vil òg vere aktuelt å delta i breiare samfunnsøkonomiske analysar eller samfunnsvitskaplege oppgåver på tvers i seksjonen og avdelinga, avhengig av kompetanse, interesse og erfaring. Utdanningsbakgrunn, kompetanse, interesse og erfaring vil i tillegg påverke kva for arbeidsoppgåver du får.

Kva slags bakgrunn har du?

Du må ha

• mastergrad i samfunnsøkonomi (eller tilsvarande) eller mastergrad i samfunnsvitskap, med gode resultat
• kunnskap om og interesse for det velferdspolitiske fagområdet
• erfaring frå utgreiings- og analyseoppgåver
• god skriftleg og munnleg framstillingsevne på norsk og engelsk

Det er ein fordel om du har

• erfaring frå departement
• kunnskap om dei ordningane som ligg til seksjonen

Kven ser vi etter?

• Du set deg raskt inn i, analyserer og presenterer nye/komplekse saker klart og kortfatta.
• Du er strukturert, jobbar sjølvstendig og tek initiativ.
• Du har gode samarbeidsevner, evner å tenke heilskapleg og bidrar inn i tverrfaglege samanhengar.

Som medarbeidarar i departementet skal vi vere fagleg engasjerte, ta ansvar, vere gode lagspelarar og utvikle og forbetre.

Kva får du hos oss?

• Du blir ein del av eit sterkt fagmiljø med engasjerte og hyggelege kollegaar. Vi legg vekt på å gje ansvar og tillit, men òg rettleiing i eit godt arbeidsfellesskap.
• Du vil få nærleik til politiske avgjerder.
• Om du blir tilsett som rådgivar eller seniorrådgivar, avheng av kvalifikasjonane dine og erfaringa di.
• Lønn vil ligge mellom 550 000 og 880 000 kroner avhengig av kvalifikasjonane dine. Er du særleg godt kvalifisert til stillinga, kan vi vurdere høgare lønn.
• Som tilsett i staten får du mellom anna fleksitid, sommartid og pensjons- og forsikringsordning  gjennom Statens pensjonskasse som òg har eit av dei rimelegaste bustadlåna i marknaden. 
• Du får også høve til å trene i arbeidstida

Les dette før du søker

• Inkludering og mangfald er ein styrke som gjer at vi kan løyse oppgåvene våre enda betre. Derfor ønsker vi oss medarbeidarar med ulike kompetansar, fagkombinasjonar, livserfaringar og perspektiv. Har du nedsett funksjonsevne, hol i CV-en eller innvandrarbakgrunn, oppfordrar vi deg som søkar til å krysse av i jobbsøkarportalen. Er det kvalifiserte søkarar, kallar vi inn minst éin søkar i kvar gruppe til intervju, og får du jobben, legg vi til rette for deg om du treng det. Utanom å velje ut riktige kandidatar brukar vi ikkje avkryssingane til noko anna enn anonymisert statistikk.
• Du kan be om å bli unnateken frå den offentlege søkarlista. Dette må i så fall grunngjevast. Vi kontaktar deg dersom ønsket ditt ikkje blir tatt til følge.
• Arbeidsspråket er norsk.

Andre vilkår

• Alle søkarar må laste opp vitnemål og attestar. Vi ber om at du bruker vitnemålsportalen til å laste opp vitnemål.
• For å bli tilsett må du kunne bli autorisert for behandling av informasjon gradert AVGRENSA etter tryggingslova.
• Vi bruker Semac bakgrunnssjekk i utvalde rekrutteringsprosessar.