Rekneskapsrådgivar

Klepp kommune er stolte av å ha god økonomistyring, og i 2024 vart økonomiplanen vår kåra til den aller beste i Noreg. Nå søker me deg som kan styrka oss endå meir i dette viktige arbeidet. Økonomiavdelinga har ei ledig stilling med rekneskapsoppgåver og utviklingsarbeid. Du vil og vera sentral i å ta kommunen sitt rekneskap og fakturabehandlinga vår inn ein ny og digital kvardag. Er du over snittet interessert i tal og har evne til å tenka nytt, kan du vera den rette for oss.

Arbeidsoppgåver

• Ansvar for rekneskapa for Klepp kyrkjelege fellesråd og menigheitane i Klepp
• Digitaliserings- og effektiviseringsarbeid
• Ansvar for inngåande fakturaer
• Opplæring og rettleiing i organisasjonen
• Fokus på internkontroll og gode rekneskapsrutinar
  
• Vera ressursperson med ansvar for og kunnskap om meirverdiavgift
  
• Kontakt med leverandørar og innbyggjarar på telefon og e-post
• Arbeidsoppgåver i årsoppgjeret i kommunerekneskapen
• Generelt rekneskapsarbeid
• Delta i arbeid med klimabudsjett og -regnskap
• Andre oppgåver frå økonomisjef

Kvalifikasjonar

• Krav om mastergrad, fortrinnsvis i økonomiske og administrative fag
• Relevant arbeidserfaring og utdanning på bachelornivå kan kompensera for kravet til master
• God skriftleg og munnleg framstillingsevne
• God samfunnsforståing
• Erfaring frå rekneskapsarbeid og regelverk innan rekneskap om meirverdiavgift er ønskjeleg
• Erfaring frå offentlig forvaltning og kjennskap til offentlige lover og forskrifter er ein fordel
• Kunnskap om Visma Enterprise og erfaring med kommunalt rekneskap vil bli vektlagt
• Attester og vitnemål
  Vi ber om at du laster opp attester og vitnemål i PDF-format samen med søknaden din. Utanlandske vitnemål må være godkjent av Direktoratet for høgare utdanning og kompetanse (HK-dir) hkdir.no/utdanning-fra-utlandet. Utanlandske attester må være oversett til et skandinavisk språk eller engelsk. Vi gjer oppmerksam på at dokumentasjon på blant annet avtent verneplikt og omsorg for barn, eldre eller sjuke også kan gi utteljing på lønnsansiennitet.

Personlege eigenskapar

• Gode samarbeidsevner og evne til å arbeida systematisk, nøyaktig og sjølvstendig
• Løysings- og resultatorientert, fleksibel og endringsvilleg
• Evne til å kombinera driftsansvar med utviklingsarbeid
• Pådrivar i nye måter å arbeida på, med fokus på digitalisering
• Trivast i høgt tempo med strame tidsfristar

Vi tilbyr

• Lønn etter avtale
• Godt arbeidsmiljø med kjekke kollegaer
• Faglege utfordringar i ei sjølvstendig rolle
• Gode pensjons- og forsikringsordningar
• Spanande utfordringar
• Mange og gode personalgoder
• Gratis parkering

Tilsetting skjer på dei vilkår og med dei plikter som kjem fram i utlysinga, og dei til ei kvar tid gjeldendelover og regler.