Vil du arbeide med transport- og miljøpolitikk i byane, byvekstavtalar og bompengesaker?

Byseksjonen har ansvaret for departementets arbeid med transport i byområda. Byane er viktige nav for å få transport frå heile landet fram dit den skal. Seksjonen arbeidar med fleire tiltak for å skape gode og miljøvenlege byar over heile landet. Vi jobbar med forvaltning og utvikling av verkemiddel knytt til lokal miljøforureining, teknologiutvikling og samanhengen mellom areal- og transportpolitikk. Vidare har seksjonen ansvar for regelverk, forvalting og vidareutvikling av ordninga med bompengefinansiering.

Vi har også ansvar for arbeidet med byvekstavtalar; avtalar mellom staten, fylkeskommunar og kommunar der særleg nullvekstmålet om at veksten i persontransport i byområda skal takast med kollektivtransport, sykkel og gange er sentralt. Dette inneber satsing på ei rekke tiltak, som store kollektivprosjekt og andre prosjekt i tilknyting til by/tettstad og omland. Vi arbeidar tett opp mot politisk leiing i departementet, og vi har stor merksemd frå både styresmakter, media, interesseorganisasjonar og publikum.

Byseksjonen (BY) har 10 medarbeidarar og er ein av tre seksjonar i Vei-, by- og trafikksikkerhetsavdelinga.

Ansvarsområde og arbeidsoppgåver

Vi søkjer ein dyktig og engasjert jurist som skal jobbe med følgjande saker:

• diverse juridiske spørsmål og utvikling av regelverk knytt til bompengefinansiering

• verkemiddel knytt til lokal luftkvalitet, herunder regelverk for lågutsleppssoner, nullutsleppssoner og piggdekk

• parkeringsregelverk

• internasjonale spørsmål, herunder arbeid med EU-direktiv og implementering i norsk rett

• vere seksjonens EØS-koordinator

• juridisk støtte til anna arbeid i seksjonen

Kvalifikasjonar

Du må ha:

• master i rettsvitskap 

• kjennskap til relevant lovverk som forvaltningslova og offentleglova

• interesse for samferdselssektoren og politiske avgjerdsprosessar

• god skriftleg og munnleg framstillingsevne, og du må meistre norsk, nynorsk og engelsk

Det er ønskjeleg at du har:

• erfaring frå lov- og forskriftsarbeid og/eller utgreiingsarbeid

• relevant erfaring, gjerne frå offentleg forvaltning

Vi søkjer deg som er analytisk og grundig, og som samarbeider godt med andre. Du bør samtidig like å arbeide sjølvstendig og kunne handtere fleire ulike type saker. Vi håpar at du trivst med ein kvardag som til tider kan vere prega av høgt tempo og korte fristar.

Vi tilbyr

• Arbeid med utfordrande, interessante og dagsaktuelle saker i ein sektor som er viktig for folk i heile landet.

• Eit sterkt fagmiljø med engasjerte og hyggelege kollegaer. Vi legg vekt på å gi ansvar og tillit, men også rettleiing og støtte i eit godt arbeidsfellesskap.

• Program for nytilsette med kurs og aktivitetar i løpet av det første året som tilsett.

• Varierte faglege og sosiale tilbod.

• Trivelege lokale i sentrum av Oslo med subsidiert kantine.

• 5 vekers ferie, betalt overtid, fleksitidsordning og sommartid. Det er mogleg å trene i arbeidstida med tilgang til treningsrom og treningstilbod. 

• Medlemskap i Statens pensjonskasse, med gunstig bustadlån og gode pensjons- og forsikringsordningar. Les meir her: Statens pensjonskasse (https://www.spk.no/).

For å lese meir om Samferdselsdepartementet og korleis det er å jobbe hos oss, sjå her: Slik er det hos oss! - regjeringen.no (https://www.regjeringen.no/no/dep/sd/jobb-i-samferdselsdepartementet/id2960635/)

Stillinga er lønna som førstekonsulent/rådgjevar i lønnsspennet frå kr. kr. 535 000 til 710 000. Det krevst 2-3 års relevant erfaring for innplassering som rådgjevar.

Du kan få nærare informasjon om stillinga ved å kontakte avdelingsdirektør Ingun Hagesveen på telefon 22 24 83 13/48 05 38 61. 

Les dette før du søkjer

• Vi ber om at du legg ved vitnemål og relevante attestar. Vitnemål frå norske utdanningsstader bør bli lasta opp frå Vitnemålsportalen. Utenlandske vitnemål må verte godkjend av direktoratet for høgare utdanning og kompetanse (HK dir)

• Det vil bli gjennomført bakgrunnssjekk på kandidaten som blir tilsett i stillinga.

• Den som blir tilsett må kunne bli autorisert for tilgang til informasjon gradert BEGRENSA etter sikkerhetslova.

• Offentleg søkjarliste vil foreligge etter søknadsfristen er ute. I samsvar med offentleglova §25 kan det gjerast unntak for opplysningar om søkjar frå offentleg søkjarliste, dersom søkjaren sjølv oppmodar om det. Den som ønskjer å reservere seg mot å stå på offentleg søkjarliste, må grunngje dette. Ved eventuelt avslag, vil søkjar bli kontakta før offentleggjering og få tilbod om å trekkje søknaden.

• Samferdselsdepartementet meiner at inkludering og mangfald er ei styrke. Vi ønskjer oss medarbeidarar med ulike kompetansar, fagkombinasjonar, livsrøynsle og perspektiv, og oppmodar alle kandidatar med nødvendige kvalifikasjonar til å søkje. Vi vil leggje til rette for medarbeidarar som har behov for det.

• Vi oppmodar søkjarar til å krysse av om dei har funksjonsnedsetting, hol i CV-en eller innvandrarbakgrunn. Vi kallar inn minst éin kvalifisert kandidat frå kvar av desse gruppene til intervju. Avkryssingane dannar også grunnlag for anonymisert statistikk som alle statlege verksemder rapporterer om i sine årsrapportar.