Samferdselsdepartementet søkjer HR-rådgjvar til varierte oppgåver

Bli kjend med avdelinga og seksjonen

Administrativ seksjon har ansvar for interne støttefunksjonar som HR, dokumentasjon/arkiv, IKT og kontortenester. Seksjonen har og generell sakshandsaming og koordinerer interne prosessar knytt til blant anna verksemdplanlegging og organisasjonsutvikling. Administrativ seksjon har ein viktig rolle for løypande drift og utvikling, og jobbar tett med leiare og medarbeidarar i heile departementet. 

Administrativ seksjon er ein av fire einingar i Avdeling for styring, administrasjon og samfunnstryggleik. 

Arbeidsoppgåver 

Til HR-teamet i seksjonen søkjer vi nå ein ny kollega som skal jobbe med 

• løpande personalforvaltning og arbeid i personalportalen
• leiarstøtte og rådgiving 
• oppfølging og kontroll av lønstenester frå DFØ
• sakshandsaming på HR-området og HMS-arbeid 
• årleg personalstatistikk og anna statistikk og rapportering
• onboarding og andre kompetansetiltak

Stillinga gir varierte oppgåver og gode moglegheiter for utvikling. Vi er eit lite HR-team og det er ønskjeleg at du kan bidra inn i eit bredt spekter av oppgåver. 

Kvalifikasjonar

Vi søkjer deg som har relevant høgare utdanning, og erfaring frå arbeid med lønn og personaladministrasjon og med SAP eller lignande lønns- og personalsystem. Det er ønskjeleg at du har erfaring frå statleg verksemd og HMS-arbeid. Kjennskap til statleg lov- og avtaleverk er ein føremon. 

Vi legg vekt på personleg eignaheit, og for å trivast i stillinga meiner vi du bør ha 

• god skriftleg og munnleg framstillingsevne
• evne til å arbeide nøyaktig og sjølvstendig
• evne til å ta initiativ og vere serviceinnstilt og fleksibel
• gode samarbeidseigenskapar
• gode IKT-ferdigheiter

Vi tilbyr

• Arbeid med utfordrande, interessante og dagsaktuelle saker i ein sektor som er viktig for folk i heile landet.
• Eit sterkt fagmiljø med engasjerte og hyggelege kollegaer. Vi legg vekt på å gi ansvar og tillit, men også rettleiing og støtte i eit godt arbeidsfellesskap.
• Program for nytilsette med kurs og aktivitetar i løpet av det første året som tilsett.
• Varierte faglege og sosiale tilbod.
• Trivelege lokale i sentrum av Oslo med subsidiert kantine.
• 5 vekers ferie, betalt overtid, fleksitidsordning og sommartid. Det er mogleg å trene i arbeidstida med tilgang til treningsrom og treningstilbod. 

Medlemskap i Statens pensjonskasse, med gunstig bustadlån og gode pensjons- og forsikringsordningar. Les meir her: Statens pensjonskasse (https://www.spk.no/).

For å lese meir om Samferdselsdepartementet og korleis det er å jobbe hos oss, sjå her: Slik er det hos oss! - regjeringen.no (https://www.regjeringen.no/no/dep/sd/jobb-i-samferdselsdepartementet/id2960635/)

Stillinga er lønna som rådgjevar/seniorrådgjevar i spennet frå kr. 575.000 til 850.000. 

 

Les dette før du søkjer

• Vi ber om at du legg ved vitnemål og relevante attestar. Vitnemål frå norske utdanningsstader bør bli lasta opp frå Vitnemålsportalen. Utanlandske vitnemål må verte godkjend av direktoratet for høgare utdanning og kompetanse (HK dir)
• Det vil bli gjennomført bakgrunnssjekk på kandidaten som blir tilsett i stillinga.
• Den som blir tilsett må kunne bli autorisert for tilgang til informasjon gradert BEGRENSA etter sikkerhetslova.
• Offentleg søkjarliste vil føreligge etter søknadsfristen er ute. I samsvar med offentleglova §25 kan det gjerast unntak for opplysningar om søkjar frå offentleg søkjarliste, dersom søkjaren sjølv oppmodar om det. Den som ønskjer å reservere seg mot å stå på offentleg søkjarliste, må grunngje dette. Ved eventuelt avslag, vil søkjar bli kontakta før offentleggjering og få tilbod om å trekkje søknaden.
• Samferdselsdepartementet meiner at inkludering og mangfald er ei styrke. Vi ønskjer oss medarbeidarar med ulike kompetansar, fagkombinasjonar, livsrøynsle og perspektiv, og oppmodar alle kandidatar med nødvendige kvalifikasjonar til å søkje. Vi vil leggje til rette for medarbeidarar som har behov for det.

• Vi oppmodar søkjarar til å krysse av om dei har funksjonsnedsetting, hol i CV-en eller innvandrarbakgrunn. Vi kallar inn minst éin kvalifisert kandidat frå kvar av desse gruppene til intervju. Avkryssingane dannar også grunnlag for anonymisert statistikk som alle statlege verksemder rapporterer om i sine årsrapportar.

  Du kan få nærare informasjon om stillinga ved å kontakte avdelingsdirektør Marte Emilie Engebretsen Lund på tlf. 482 85 921.