Prosjektstyringsleiar

Avdelinga Eigedom og utbygging (EIU) er Vestland fylkeskommune si fagavdeling for bygge- og eigedomssaker. Avdelinga er ansvarleg for forvaltning, drift, reinhald, vedlikehald og utvikling av fylkeskommunen sine eigedomar. I tillegg har avdelinga ansvar for utbygging av Bybanen sin infrastruktur. Avdelinga er delt inn i 5 seksjonar; Stab og forvaltning, System og utvikling, Utbygging, Drift og Bybanen Utbygging. Stillinga som Prosjektstyringsleiar har arbeidsstad Bergen og inngår i seksjonen Bybanen Utbygging.

Bybanen Utbygging har ansvaret for å realisere nye byggetrinn i utviklinga av Bybanen i Bergen. Som tilsett hjå oss får du vera med på heile reisa frå reguleringsfase til overlevering til Bybanen AS. For tida består prosjektteamet av om lag 18 medarbeidarar som i hovudsak arbeider med ulike forberedande aktivitetar for oppstart av byggetrinn 5 til Åsane. Stillinga vi nå søkjer er den som skal etablera, leie og følgje opp arbeidet i og rundt prosjektstyringsprosessen i Bybanen Utbygging.

Arbeidsoppgåver

Bybanen Utbygging søker Prosjektstyringsleiar

Som prosjektstyringsleiar er du ansvarleg for prosjektstyringa i Bybanen Utbygging. Du skal bygge opp, forvalte, utføre og utvikle prosjektet sine prosjektstyringsprosessar og sikre eintydig styring av prosjektet. Du skal bygge opp arbeidsprosessen, system og kompetente innan dei ulike faggreinene innan prosjektstyringsfaget som kostnadsstyring, anslag/estimering, finansiering, prognostisering, framdriftsplanlegging og usikkerheitsstyring.

Som prosjektstyringsleiar er du også ansvarleg for å sikre struktur, kapasitet og kompetanse for å møte prosjekta sine mange behov for rapportering. Stillinga inngår i leiargruppa til Bybanen Utbygging og du vil rapportere oppgåvemessing til seksjonsleiar/prosjektdirektør. Du skal i tillegg arbeide tett med andre leiarar for å sikre eit tett samarbeid for å skape eigarskap, etterleving og kvalitet i arbeidet. Du vil etter kvart også måtte ha personalansvar for tilsette og innleigde, samtidig som du skal følgje opp eventuelle rådgjevarkontraktar knytt til fagområda når prosjektorganisasjonen skal byggast opp.

Du er fagleg sterk og trivst med å jobbe operativt saman med andre i eit innovativt miljø for å sikre at vi når vedtatte mål, forbetrar og lærer på tvers av prosjektet, avdelinga, andre etatar, mm. Du trivst som operativ leiar og identifiserer deg med Vestland fylkeskommune si rolle som offentleg samfunnsbyggar og forvaltar. Samtidig evnar du å sette retning, gå inn i etablerte sanningar, utfordre, utvikle og motivere.

• Sikra etterleving og operativ oppfølging av alle aktivitetar i prosjektet.
  
• Utarbeide og ajourføring av finansieringsplan for prosjektet.
  
• Utarbeiding av månadsrapport og andre prosjektrapportar i tråd med ulike finansieringskjelder.
  
• Etablere budsjett, prognosar og rapportering av kostnader.
  
• Bygge eit god og proaktiv prosjektstyringsteam.
  
• Etablere og implementera beste praksis i prosjektgjennomføring.
  
• Etablera, vedlikehalda og utvikla prosjektets Styringsdashboard.
  
• Til ein kvar tid ha riktig kapasitet og kompetanse innan prosjektstyringsfaga.
  
• Sikre at prosjektstyringsfaga sine krav blir inkludert og implementert i alle kontraktar som skal inngåast.
  
• Gjennomføre anslagsprosessar og inngå / sikre ekstern kvalitetssikring av prosjektet.
  
• Etablere og oppdatere alle styrande dokument, sentralt styringsdokument og ajourføre endringslogg og sikre etterleving av staten sin prosjektmodell.
  
• Sørge for utarbeiding av trendar, analysar av problemområde og synleggjere konsekvensar for framdrift og kostnader med anbefaling om korrigerande tiltak som underlag for vedtak.
  
  

Kvalifikasjonar

• Masternivå frå universitet eller høgskule innan økonomi, administrasjon, leiing, juridisk, samfunnsøkonomi eller liknande. Omfattande og relevant erfaring
• kan kompensere for manglande formell utdanning.
  
• Erfaring frå større infrastrukturprosjekt eller liknande.
  
• God prosjekt - og kontraktforståing.
  
• Erfaring frå prosjektstyring.
  
• Leiarerfaring og erfaring med personalansvar.

Personlege eigenskapar

• Trygg på kommunikasjon og presentasjonar på norsk og engelsk, både munnleg og skriftleg.
  
• Trivst med å arbeide i team.
  
• Du er opptatt av kontinuerleg utvikling av heilskapleg og framtidsretta løysningar som skaper varig verdi for dei reisande, næringsliv og samfunn
  
• Nysgjerrig, tileignar deg ny kunnskap raskt og trivst med å dele den med resten av teamet
  
• Opptatt av kvalitet i leveransar og jobbar strukturert
  
• Du trivst med arbeidsoppgåver som har høg fagleg kompleksitet
  
• Kundeorientert og veit viktigheitene av å bygge gode relasjonar med ulike interessentar

Vi tilbyr

Bybanen Utbygging er en organisasjon i endring som er i startfasen av å bygge byggetrinn 5. Oppdraget og viktigheita av det som skal utførast vil prege arbeidskvardagen og -miljøet rundt deg, med mange flinke folk som har stort eigarskap og høgt engasjement for å bygge «verdens beste» bybane til Åsane. Vestland fylkeskommune setter fagleg utvikling høgt og avdelinga bidreg i samarbeidsprosjekt med næringsliv, andre offentlege aktørar og akademia for å sikre kompetansebygging om korleis ein best mogleg skal styre og gjennomføra eit megaprosjekt som byggetrinn 5. Du vil også få:

• Godt arbeidsmiljø og dyktige kollegaer.
  
• Ein spennande og variert arbeidskvardag i ein organisasjon med høge samfunnsnyttige mål.
  
• Moglegheit for fagleg utvikling og kompetanseheving.
  
• Fleksitid, heimekontorløysing, gode ordningar for å avspasere, permisjonsordningar som møter dine behov og sjølvsagt har du betalt lunsjpause.
  
• Gode forsikrings- og pensjonsordningar.
  
• Løns- og arbeidsvilkår etter kvalifikasjonar og i samsvar med gjeldande avtalar i Vestland fylkeskommune.
  
  Prosjektet har base i Bergen og for tida er vi lokalisert i Vestlandshuset i Bergen sentrum – topp moderne lokale med bl.a kantine, eigen møteromsfløy, gode treningsfasilitetar, innandørs sykkelparkering og gode garderobeløysningar i bygget.