Vi søkjer ein til to juristar til Havbruksavdelinga!

Om Havbruksavdelinga

Havbruksnæringa er ei av Noregs viktigaste eksportnæringar, og betyr mykje for verdiskaping og aktivitet langs heile kysten. Havbruksavdelinga har i dag rundt 20 tilsette, og her får du jobbe med forvalting og utvikling av denne framtidsretta næringa. Avdelinga består av to seksjonar. Seksjon for havbruksforvalting skal utvikle og forvalte rammeverket for etablering og operasjonell drift av havbruksaktivitet, mellom anna innsatsfaktorar, miljøtilhøve og berekraft i havbruksnæringa som rømming, forureining og utslepp, fiskehelse og -velferd, teknologi, fôr og GMO. Seksjonen arbeider og med areal- og plansaker i sjøområda. Seksjon for havbrukspolitikk og -økonomi skal utvikle ein næringspolitikk som legg til rette for lønsame arbeidsplassar og å realisere havbruksnæringa sitt verdiskapingspotensiale. Seksjonen har mellom anna ansvar for løyvesystemet for havbruk, mellom anna tildeling av nye løyve gjennom auksjon og systemet for særløyve. Seksjonen arbeider også med å utvikle regelverk for havbruk til havs. 

Arbeidsoppgåver

Havbruksavdelinga søkjer etter ein til to personar som mellom anna skal arbeide med dei juridiske avgrensingane mellom ulike område som er viktige for akvakulturnæringane, slik som akvakulturlova, matlova, dyrevelferdslova og plan- og bygningslova. Tilsettinga skal styrke avdelinga si kapasitet og kompetanse. Du vil til dømes kunne bli sett til å arbeide med stortingsmeldingar og strategiar, lovarbeid, forskrifter og klagesaker. I tillegg vil du hjelpe til med førebuing av saker, møter og reiser for den politiske leiinga i departementet, og du kan elles verte sett til eit stort spenn av oppgåver på heile avdelinga sitt område.

Kvalifikasjonar og personlige eigenskapar

Vi søkjer personar med juridisk kompetanse på masternivå, med gode resultat, og som er spesielt interesserte i havbruksnæringa som ei av Noregs bærande framtidsnæringar. Dei som vert ferdig utdanna i vårsemesteret 2025 kan også vere kvalifiserte til å søkje, men det føreset bestått masteroppgåve før tiltreding i stillinga. 

Søkjar kan gjerne ha kjennskap til fagområdet og relevant regelverk frå før og bør ha evne til å tenkje sjølvstendig og kome med nye idear. Vi legg og vekt på interesse for forvaltingsrett, statsforfatningsrett og lovarbeid, og god evne til å utrykke seg skriftleg og munnleg, gjerne også på engelsk. Kjennskap til EØS-regelverk for havbruksområdet er positivt. Du bør vere triveleg og samarbeidsvillig som kollega, vere klok, analytisk, strukturert og nøyaktig, ha høg arbeidskapasitet, tole stress og ha evne til å gjennomføre.

For stillinga som rådgivar krevst det som hovudregel minst to års relevant arbeidserfaring.

Det vil bli lagt vekt på personlege eigenskapar.

 

Vi tilbyr

• fast stilling som førstekonsulent eller rådgjevar
• lønsplassering ut frå kvalifikasjonar og erfaring innan spennet som førstekonsulent  kr 548 600 - 615 700 og som rådgjevar kr 584 500 - 720 100 per år
• interessante, utfordrande og nyskapande arbeidsoppgåver i eit aktivt og engasjert arbeidsmiljø 
• kompetanseutvikling og fagleg oppdatering
• fleksibel arbeidstidsordning og betalt overtid
• høve til trening i arbeidstida
• gode ordningar for bustadlån, forsikringar og pensjon gjennom Statens pensjonskasse (https://www.spk.no/)
• kontorstad i Oslo sentrum, men vi legg også til rette for heimekontor

Praktisk informasjon

Nærare opplysningar kan ein få ved å ta kontakt med avdelingsdirektør Vegard Haukeland (tlf. 926 16 615) eller avdelingsdirektør Kjersti Vartdal (tlf. 980 21 013).

Ein kan sende elektronisk søknad via lenka "Søk stillinga" på denne sida. Fullstendige opplysningar om relevant utdanning og arbeidserfaring må ein fylle inn i det elektroniske skjemaet, og vitnemål og attestar må leggjast ved. 

Søknadsfrist: 28. april 2025

Anna

Me gjer merksam på at jfr. offentleglova § 25 andre ledd kan opplysningar om søkjaren bli gjort offentleg sjølv om søkjaren har bedt om ikkje å bli oppført på søkjarlista. Søkjaren vil bli varsla dersom ynskje ikkje vert teke til følgje.

Søkjarar som opplyser at dei har nedsett funksjonsevne eller hol i CV-en, gjer vi merksam på at denne opplysninga kan bli brukt til statistikkføremål i samband med regjeringa si inkluderingsdugnad dersom vedkommande blir tilsett.