Rådgivar/seniorrådgivar

Om stillinga

Ønskjer du deg interessante og utfordrande oppgåver innanfor eit fagområde med høg politisk merksemd? Vi har ledig ei fast stilling i Seksjon for budsjett og busetting i Integreringsavdelinga.

Avdelinga vår har ansvar for å utvikle og samordne regjeringa sin integreringspolitikk, og for styringa av Integrerings- og mangfaldsdirektoratet (IMDi). Vi gir også oppdrag til Utlendingsdirektoratet, Direktoratet for høgare utdanning og kompetanse og Barne-, ungdoms- og familiedirektoratet.

Du vil vere vårt knutepunkt i styringa av IMDi, og bidra i eit viktig samfunnsoppdrag der det ofte er høg merksemd frå regjeringa og politisk leiing. Arbeidet involverer utstrakt samhandling med IMDi, styringsavdelinga i departementet og øvrige seksjonar i avdelinga. 

Du vil inngå i departementet sitt nettverk for etatsstyrarar, som gir støtte og moglegheit for å samarbeide og utvikle deg saman med andre erfarne saksbehandlarar. Vi arbeider ofte med korte tidsfristar. Du må kunne bruke fagbakgrunnen din til å sette deg raskt inn i, vurdere og presentere komplekse saker klart og kortfatta.

Arbeidsoppgåver

Du vil vere hovudkontaktpunkt mot IMDi og ha ansvar for styring, oppfølging og utvikling av direktoratet. Du skal samtidig bidra til god fagstyring mot dei øvrige verksemdene, i samarbeid med ansvarlege seksjonar. Arbeidet omfattar mellom anna å:

• koordinere arbeidet med etatsstyring i avdelinga, herunder styringsdialogen mot IMDi, prosessen med tildelingsbrev, årsrapport og etatsstyringsmøter, samt risikostyring.
• ta initiativ til utviklingsprosjekt og gi faglege råd til avdelinga om etatsstyring av IMDi og dialogen med øvrige verksemder.
• følge opp arbeidet med digitalisering, sikkerheit og beredskap i IMDi og avdelinga.
• medverke i internstyringa av avdelinga.

Avdelinga vår opplever ofte store svingningar i arbeidsmengde, og er oppteken av å bruke ressursar på tvers. Andre arbeidsoppgåver innanfor avdelinga sitt ansvarsområde vil òg bli aktuelt, avhengig av  våre behov og personlege ønskjer og kvalifikasjonar. Det vil vere særleg aktuelt å medverke i arbeidet med statsbudsjettet og tilskotsordningar.

Kva slags bakgrunn har du?

• Du har relevant høgare utdanning på masternivå med gode resultat, til dømes innan samfunnsøkonomi, statsvitskap eller annan samfunnsvitskapleg utdanning. Lang relevant erfaring kan i særskilte tilfelle oppveie kravet til utdanning.
• Du har god kjennskap til styring og beslutningsprosessar i offentleg sektor.
• For stilling som seniorrådgivar må du ha erfaring med etatsstyring eller verksemdstyring frå staten eller brei erfaring med verksemdstyring frå annan større verksemd.
• Det er ein fordel om du har erfaring med beredskaps- og sikkerheitsarbeid, statleg budsjettarbeid og/eller digitaliseringsarbeid

Kven ser vi etter?

Vi ser etter deg som:

• har interesse for samfunnsspørsmål og integreringspolitikken
• er motivert for å bidra til god etatsstyring og til å utvikle denne 
• evnar å tenke prinsipielt om styring i staten, samtidig som du er praktisk og løysingsorientert
• har evne til å ta initiativ og arbeide sjølvstendig, strukturert og planmessig med god gjennomføringsevne
• er imøtekommande og god til å samarbeide
• kan tenke kritisk og kreativt og argumentere godt for faglege vurderingar både munnleg og skriftleg
• evnar å handtere korte fristar

Kva får du hos oss?

• Du blir ein del av eit sterkt fagmiljø med engasjerte og hyggelege kollegaar. Vi legg vekt på å gje ansvar og tillit, men òg rettleiing i eit godt arbeidsfellesskap.
• Du vil få nærleik til politiske avgjerder.
• Om du blir tilsett som rådgivar eller seniorrådgivar, avheng av kvalifikasjonane dine og erfaringa di.
• Lønn vil ligge mellom 650 000 og 850 000 kroner avhengig av kvalifikasjonane dine. Er du særleg godt kvalifisert til stillinga, kan vi vurdere høgare lønn.
• Som tilsett i staten får du mellom anna fleksitid, sommartid og pensjons- og forsikringsordning  gjennom Statens pensjonskasse som òg har eit av dei rimelegaste bustadlåna i marknaden. 
• Du får også høve til å trene i arbeidstida

Les dette før du søker

• Inkludering og mangfald er ein styrke som gjer at vi kan løyse oppgåvene våre enda betre. Derfor ønsker vi oss medarbeidarar med ulike kompetansar, fagkombinasjonar, livserfaringar og perspektiv. Har du nedsett funksjonsevne, hol i CV-en eller innvandrarbakgrunn, oppfordrar vi deg som søkar til å krysse av i jobbsøkarportalen. Er det kvalifiserte søkarar, kallar vi inn minst éin søkar i kvar gruppe til intervju, og får du jobben, legg vi til rette for deg om du treng det. Utanom å velje ut riktige kandidatar brukar vi ikkje avkryssingane til noko anna enn anonymisert statistikk.
• Du kan be om å bli unnateken frå den offentlege søkarlista. Dette må i så fall grunngjevast. Vi kontaktar deg dersom ønsket ditt ikkje blir tatt til følge.
• Arbeidsspråket er norsk.

Andre vilkår

• Alle søkarar må laste opp vitnemål og attestar. Vi ber om at du bruker vitnemålsportalen til å laste opp vitnemål.
• For å bli tilsett må du kunne bli autorisert for behandling av informasjon gradert AVGRENSA etter tryggingslova.
• Vi bruker Semac bakgrunnssjekk i utvalde rekrutteringsprosessar.