Sykepleier 80-100% fast

Kleppheimen er kompetansesenteret på demenssjukdom i Klepp kommune, og sjukeheimen har ei kompetent og god sjukepleiar-/vernepleiargruppe, men me treng alltid fleire. Me har no ledig ein 80-100 % fast stilling som sjukepleiar i Kleppheimen 3. etg.
Som sjukepleiar ved Kleppheimen 3. et. vil du ha eit tett samarbeid med andre sjukepleiarar, vernepleiar, tilsynslegar, helsefagarbeidarar, pleieassistentar og avdelingsleiar. Me har tre faste tilsynslegar som er på sjukeheimen to dager pr. veke.
Det er 2 avdelingar (etasjar) med totalt 48 sengeplasser, der det vert gitt omfattende sjukepleie som inneheld både pleie og miljøretta tiltak, men og palliativ behandling og akutte hendingar som må takast hand om. Pasientgruppa har sammensette sjukdomsbileter som er prega av både kognitiv- og somatisk sjukdom.

Me har eigen fagutviklingssjukepleiar som er tilsett på sjukeheimen.
I arbeidet med demensomsorg ønskjer me å gå føre og arbeide systematisk med kvalitetsarbeid, og ha fokus på kompetanseheving og brukarmedverknad for å gi gode og trygge tenester.
Me har blant anna sykkelrom, sanserom, frivillige og eigen buss som blir hyppig brukt til tur med bebuarane.

Arbeidsoppgåver

Som sjukepleiar på Kleppheimen vil du primært ha det faglege ansvaret saman med avdelingsleiar og andre sjukepleiarar og vernepleiarar i avdelinga. Du vil gjera faglege vurderingar og kartleggingar hos pasientane og utføre spesifikke sjukepleieroppgåver og prosedyrar. Du vil og ha ansvar for at bebuarane får nødvendige medisinske undersøkingar og behandlingar i samarbeid med tilsynslege, som er på bygget to dagar i veka.
Arbeidsoppgåvene vil og vera å bidra til å skape godt arbeidsmiljø, veilede andre kollegaer og studenter, samt bidra til å heve kompetansen på avdelingane.

Kvalifikasjonar

• Autorisert sjukepleiar
• Må beherske norsk godt både munnleg og skriftleg
• Politiattest må fremleggjas før tilsetjning
• Attester og vitnemål: Vi ber om at du laster opp attester og vitnemål i PDF-format samen med søknaden din. Utanlandske vitnemål må være godkjent av Direktoratet for høgare utdanning og kompetanse (HK-dir) hkdir.no/utdanning-fra-utlandet. Utanlandske attester må være oversett til et skandinavisk språk eller engelsk. Vi gjø oppmerksam på at dokumentasjon på blant annet avtent verneplikt og omsorg for barn, eldre eller sjuke også kan gi utteljing på lønnsansiennitet.

Personlege eigenskapar

• Me er på jakt etter deg som er sjukepleiar, og som ønsker å jobbe i demensomsorga. Dersom du har relevant videreutdanning, for eksempel innan geriatri, demensomsorg eller psykiatri, er dette ein fordel, men det er ingen krav.
• Me oppfordrar menn til å søkje på stilinga.
• Me oppfordrar og nyutdanna til å søkje på stillinga.
• Det er viktig at du er initiativrik, engasjert og evner å skape gode relasjonar med medarbeidarar så vel som pasientene og deira pårørande.
• Du må inneha gode samarbeidsevner, og ha evne til å delegera arbeidsoppgåver slik at sjukeheimen til eikvar tid har rett person på rett plass.
• Du må ha evne til å arbeide sjølvstendig og vera trygg på eigne avgjerder.

Vi tilbyr

• Me har stort fokus på at våre tilsette skal ha muligheit til å halda seg fagleg oppdatert både via kurs og fagdagar med interne og eksterne førelesarar.
  Me vil legge tilrette for at du kan videreutvikla både deg sjølv og kollegaene dine, dele din kunnskap og bidra til kompetanseheving.
• Mulegheit for arbeid kvar 4. helg med langvakter fredag, lørdag og sønda.
• Mulegheit for langvaktturnus 13,5- 14 timer som innebærer lengre friperiodar mellom arbeidsvekene
• Forhandlingsturnus som gjer arbeidstakar mulegheit til stor medvirkning.
• Gratis parkering
• Konkurransedyktig lønn
• God pensjons- og forsikringsordning
• Rabattar ved blant annet Arena treningssenter og Evo
• Gratis adgang i bassenget i Klepphallen
• Bedriftskunstforening
• Ordning med dekking av behandlingsutgifter hos fysioterapeut og kiropraktor
• I Klepp har vi heiltidskultur, men vi er og interessert i dei som ønsker å jobbe redusert.