Seksjonssjef stab og forvaltning

Avdeling Eigedom og utbygging (EIU) er Vestland fylkeskommune si fagavdeling for bygge- og eigedomssaker. Avdelinga er ansvarleg for forvaltning, drift, reinhald, vedlikehald og utbygging av fylkeskommunen sine eigedomar. I tillegg har avdelinga ansvar for utbygging av Bybanen sin infrastruktur. Avdelinga er delt inn i 5 seksjonar; Stab og forvaltning, System og utvikling, Drift og vedlikehald, Utbygging og Bybanen Utbygging.

Seksjonen stab og forvaltning har ansvar for kjøp og sal av eigedom, leigeavtalar for både bygg og kollektivknutepunkt, grunnerverv, innkjøp, økonomi, personaloppgåver og kontordrift.

Då seksjonsleiaren for Stab og forvaltning går av med pensjon, søkjer vi etter ny leiar til stillinga. Stillinga inngår i leiargruppa til direktør for Eigedom og utbygging.

Arbeidsoppgåver

Som seksjonsleiar for Stab og forvaltning har du ei rekke fagområde som du styrer. Seksjonen har ansvar for eigedomsforvaltning med oppgåver innan kjøp og sal av eigedom, leigeavtalar for både bygg og kollektivknutepunkt, grunnerverv samt å svare ut eigedomsfaglege spørsmål. I tillegg til forvaltning, så ligg det stabsoppgåver som innkjøp, økonomi, personaloppgåver og kontordrift til seksjonen. For fagområda økonomi og innkjøp er det etablert fagkoordinator og for området kontordrift er det etablert leiar. Som seksjonssjef vil du ha 21 tilsette i seksjonen og ha direkte personalansvar for 13 av desse.

Sentrale oppgåver er:

• Leie seksjonen stab og forvaltning
• Utvikle seksjonen sine arbeidsprosessar og struktur
• Sørge for at seksjonen når mål og budsjett
• Delta i leiargruppa i avdelinga
• Operativt arbeid knytt til eigedomsforvaltning
• Styrearbeid knytt til eigedomsselskap i fylkeskommunen
• Delta som stabsleiar i ulike fora i fylkeskommunen
• Svare på spørsmål frå offentlege etatar og private om våre eigedomar
• Ansvar for juridiske utgreiingar og rådgjeving i enkeltsaker
• Skrive framlegg i saker som krev politisk godkjenning

Kvalifikasjonar

• Juridisk embetseksamen/Master i rettsvitskap
• Omfattande og relevant erfaring kan kompensere for avvikande eller manglande formell utdanning
• Ønske om erfaring som leiar og erfaring med personalansvar
• Kunnskap og erfaring frå forvaltning av eigedomar
• Kjennskap til offentleg anskaffing
  

Personlege eigenskapar

• Trygg på kommunikasjon og presentasjonar, både munnleg og skriftleg
• Trivst med å arbeide i team
• Du er opptatt av kontinuerleg utvikling av heilskaplege og framtidsretta løysingar
• Du er nysgjerrig, tileignar deg ny kunnskap raskt og trivst med å dele den
• Du er opptatt av kvalitet i leveransar og jobbar strukturert
• Du trivst med arbeidsoppgåver som har høg fagleg kompleksitet
• Du er kundeorientert og veit viktigheita av å bygge gode relasjonar med ulike interessentar
• Høg etisk standard
• Høg arbeidskapasitet
  

Vi tilbyr

• Spanande og varierte oppgåver
• Eit tverrfagleg miljø med engasjerte og dyktige medarbeidarar
• Gode moglegheiter for fagleg utvikling
• Gode forsikrings- og pensjonsordningar
• Fleksibel arbeidstid
• Løn etter avtale

Andre opplysningar

Administrasjonsmålet i fylkeskommunen er nynorsk.
Alle nytilsetjingar blir gjort med ei prøvetid på 6 månader.
Vi gjer merksam på at i følgje offentleglova § 25, 2. ledd kan opplysningar om søkjaren bli offentleggjort sjølv om du har oppmoda om ikkje å bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort.