Brenn du for utvikling på barnevernområdet?

Om stillinga

Har du erfaring frå arbeid i kommunal barnevernsteneste eller fosterheimsarbeid og likar å jobbe med systematisk fagutvikling? Vi søker ein utviklingsorientert kollega gjerne med erfaring frå prosjektleiing og implementeringsprosessar. 

Helse-, sosial- og barnevernsavdelinga har ledig to stillingar for arbeid med utviklingsoppgåver på barn og unge feltet, i seksjon sosial og barnevern. Den eine stillinga er ei fast stilling og den andre stillinga er eit eittårig engasjement. Vi ber om at det går fram av søknaden om du søkjer ein eller begge stillingane.  

Avdelinga har ulike rådgjevings- og forvaltningsoppgåver og fører tilsyn med barnevern samt helse-, omsorg- og sosiale tenester. Vi har brei kontakt med mellom anna kommunar, regionale og nasjonale styresmakter. Avdelinga har tre seksjonar og kontorstader i Leikanger og Bergen. Fylkeslegen leier avdelinga som har tilsette med kompetanse innan barnevern, helse- og sosialfag, rettsvitskap, pedagogikk, samfunnsfag og administrasjon. Kontorstad for desse stillingane er i Bergen.

Arbeidsoppgåver

Arbeidet er variert og inneber samarbeid på tvers av fagfelt. Oppgåvene som ligg til stillinga er i hovudsak tilskotsforvalting, drift av fagnettverk, koordinering av utviklingsarbeid, rettleiing og informasjon til tilsette og leiarar i tenestene som møter barn og unge, samt undervisning. Oppgåvene blir tilpassa kompetansen til den som får stillinga og den samla faglege kompetansen i avdelinga. Innhald i den faste stillinga kan bli endra ved endra behov.

• samarbeide tett med leiarar og tilsette i barneverntenester 
• koordinering og fasilitering for samhandling gjennom møter og nettverk
• møteverksemd, kurs og innlegg på konferansar
• samarbeid med andre aktørar på barn og unge feltet som forskingsmiljø, utdanningsinstitusjonar, Bufetat, KS, kunnskapssenter, kommunar og brukarorganisasjonar 
• gjennomføre kartleggingar og oppsummering funna til bruk i vårt oversiktsarbeid
• rettleiing i implementerings- og utviklingsarbeid
• det kan også være aktuelt å bidra inn i oppgåveløysinga kring nasjonal koordinerande støttefunksjon for å styrke kommunale læringsnettverk på fosterheimsfeltet.  

Kvalifikasjonar

• fullført 3-årig sosialfagleg høgskuleutdanning 
• god kjennskap til og erfaring frå arbeid innan barnevern
• det er ønskjeleg med mastergrad eller annan relevant vidareutdanning
• god teknisk kompetanse i digitale verktøy relevant for undervisning, prosjektleiing, kompleks informasjonsbehandling og framstilling er ønskjeleg
• prosjektleiarerfaring er ønskjeleg

Personlege eigenskapar

God munnleg og skriftleg formidlingsevne på nynorsk og bokmål er ein grunnleggjande føresetnad. Du må kunne nytte båe målformer. Personlege eigenskapar vil bli tillagt stor vekt. 

• har god evne til å jobbe langsiktig og systematisk
• har god evne til fagleg refleksjon
• likar å jobbe med komplekse problemstillingar 
• klarar å få oversikt og skape system i store mengder informasjon 
• likar å bidra til endring, utvikling og forbetringsprosessar
• kan ta eit leiarperspektiv
• har god arbeidskapasitet og er fleksibel
• er god på nært og tverrfagleg samarbeid
• har evne til sjølvstendig arbeid innan fristar som er sett

Som tilsett hos Statsforvaltaren får du

• interessante arbeidsoppgåver
• eit kompetent og tverrfagleg arbeidsmiljø
• ein arbeidsplass i utvikling
• medlemskap i Statens pensjonskasse med god pensjonsordning, gunstig bustadlån og forsikringsordning
• trening i arbeidstida
• delvis heimekontor 
• fleksibel arbeidstid
• løn i samsvar med vår lokale lønspolitikk

Vi ønskjer mangfald

Statsforvaltaren ønskjer mangfald, og vil leggje til rette for eit inkluderande arbeidsliv (https://www.regjeringen.no/no/tema/arbeidsliv/arbeidsmiljo-og-sikkerhet/inkluderende_arbeidsliv/id947/). 

Vi oppmodar alle kvalifiserte kandidatar til å søkje utan omsyn til alder, kjønn, nasjonal eller etnisk bakgrunn, funksjonsevne eller hol i CV-en. Vi oppmodar om å krysse av i jobbsøkjarportalen dersom du har nedsett funksjonsevne, hol i CV-en eller innvandrarbakgrunn. Dersom det er kvalifiserte søkjarar frå desse gruppene kallar vi inn minst ein søkjar i kvar av gruppene til intervju. Les meir om dette hos Arbeidsgivarportalen (https://arbeidsgiver.dfo.no/strategisk-hr/inkluderingsarbeid/bli-bedre-pa-rekruttering/hvordan-skrive-stillingsannonser-som-inkluderer/positiv-saerbehandling-nar-man-soker-jobb-i-staten).

Vilkår

Alle som søkjer stillinga må søkje digitalt gjennom rekrutteringsportalen Jobbnorge. Du må laste opp relevante vitnemål og attestar. Vitnemål og/eller karakterutskrifter hentar du frå vitnemålsportalen i Jobbnorge. Har du utdanning frå utlandet legg du ved godkjenning frå NOKUT. 

Når søknadsfristen er ute, vurderer vi søknaden din på bakgrunn av informasjonen du har sendt oss. Det er derfor viktig at du både i søknadsbrevet og CV-en, viser korleis kompetansen din fyller krava som er sett i utlysinga. 

Stillinga er lønna i stillingskode 1434 rådgjevar/1364 seniorrådgjevar, frå kr 570 000-730 000 brutto per år ut frå kvalifikasjonar og lokal lønnspolitikk. Stilling som seniorrådgjevar har strenge krav til kompetanse.  For særskilt kvalifiserte søkjarar kan vi vurdere høgare lønn. 

Dei første seks månadane er prøvetid. Du kan lese meir om det i statens personalhandbok (https://lovdata.no/dokument/SPH/sph-2024/KAPITTEL_2-1-8).

Skriftspråket til embetet er nynorsk.

Offentleg søkjarliste blir utarbeidd etter søknadsfrist. Dersom du ønskjer å reservere deg frå oppføring må du grunngje dette. Du får varsel om reservasjon i rekrutteringsportalen dersom reservasjon ikkje blir teken til følgje.

Det vert stilt krav om politiattest som vilkår for tilsetjing.