Miljøfagarbeidarar/verne-/sjukepleiarar/ergo-/fysioterapeutar

Årstad vidaregåande skule er ein av dei største vidaregåande skulane i Bergen. Skulen har eit variert undervisningstilbod med 5 yrkesfaglege utdanningsprogram og tilbod for lærlingar. I tillegg tilbyr skulen studiespesialiserande og studieførebuande løp, i tillegg innføringsklassar for minoritetsspråklege elevar og grupper for tilrettelagd opplæring. Skulen skal vere ein stad der alle elevar skal finne eit godt læringsmiljø. Sjå meir informasjon om skulen på https://www.arstad.vgs.no/

Talet på søkjarar til tilrettelagd opplæring aukar og vi opprettar ny avdeling med nye skuleplassar.
Vi har ledig inntil 750 % fast stilling som miljøfagarbeidar for tilrettelagt opplæring, Helse og oppvekst .

Vi ønskjer at avdelinga skal ha brei kompetanse. Verne- og/eller sjukepleiar, ergo- og/eller fysioterapeutar er ønskja bakgrunn for nokre tilsette. Dei vil få stilling som miljøterapeut.

Vi ønskjer deg som vil vere med å byggje opp ein ny avdeling, der meistring og lærelyst vil vere viktig. Du bør ha kompetanse og erfaring frå arbeid der elevar har store og samansette lærevanskar. Du må vere god til å byggje relasjonar til elevane, men samstundes stå i utfordrande situasjonar over tid.

Arbeidsoppgåver

• Støtte og gjennomføre opplæring for elevar som treng tett oppfølging
• Arbeide ut frå elevane si individuelle opplæringsplan
• Delta aktiv i teamet rundt eleven og på avdelinga
• Arbeide med pedagogisk utviklingsarbeid, i tråd med skolens pedagogiske plattform og utviklingsplan
• Det vil også vere oppgåver knytt til stell

Kvalifikasjonar

• Det er ønskje om fagbrev som Barne- og ungdomsarbeidar. Andre fagområde kan også vere relevant
• Ein vil i stor grad også vektleggje personlege eigenskapar til denne stillinga
• Søkjarar med høgare utdanning (t.d. vernepleiar, ergoterapeut) kan i nokre tilfelle tilsettast som miljøterapeut
• Vi oppmodar menn til å søkje
  

Personlege eigenskapar

• Du har gode samarbeidsevner, har godt humør og trivest med å jobbe i team
• Du må like å vere fysisk aktiv og å kunne ta i eit tak når det trengs
• Du må kunne jobbe sjølvstendig med elevar og gjennomføre planlagde aktivitetar
• Du har gode kommunikasjons- og relasjonsevner
• Du må vere trygg i arbeid med ungdom som kan ha utfordrande åtferd

Vi tilbyr

• Vi tilbyr eit godt fagmiljø med god samarbeidskultur med engasjert kollegaer
• Godt samarbeid med faglærarar og deltaking i pedagogisk utviklingsarbeid
• Arbeidstakar har ein arbeidsplan som følgjer skuleåret. Dette inneber reduksjon i årsløn i samsvar med særavtale SFS 2201, pkt. 3.5.
• Løn og lønsutvikling i tråd med Vestland fylkeskommune sin lønnspolitikk
• Gode forsikrings- og pensjonsordningar.