Kommunedirektør

Tysnes kommune søkjer ein tillitsskapande kommunedirektør med god rolleforståing og innsikt i samspelet mellom politikk, fag og administrasjon. Me ser etter ein tydeleg leiar, med god gjennomføringskraft og sterk prosessforståing. Vår nye kommunedirektør må være ambisiøs på kommunen sine vegne, og evne å prioritere og ta avgjersler i ein hektisk kvardag.

Me er opptekne av kommunen som samfunnsutviklar og tilretteleggjar, og relevante kandidatar må ha god forståing for dei politiske prosessane og kommunen som samfunnsaktør. Den nye kommunedirektøren må difor ha eigenskapar som sikrar gode relasjonar både internt i organisasjonen og til innbyggjarar, nabokommunar, næringslivet og andre eksterne samarbeidspartar.

Me ynskjer oss ein løysingsorientert leiar med god økonomiforståing, erfaring frå endrings-/omstillingsarbeid og med ein tillitsbasert, motiverande og samlande leiarstil. Vidare ynskjer me oss ein open og truverdig leiar med eit heilskapleg og strategisk blikk, som samtidig kan sjå den enkelte. Kjennskap til kommunal verksemd og gode kommunikasjons- og samarbeidseigenskapar er ein føresetnad.

Høgare relevant utdanning, dokumenterte resultat frå tidlegare leiarstillingar og personlege eigenskapar vert vektlagt ved tilsetting.

Me tilbyr godt handlingsrom og utfordrande oppgåver i ein kommune som ynskjer utvikling, med kompetente medarbeidarar og godt samspel mellom politikk og administrasjon.

Spørsmål om stillinga kan rettast til Mercuri Urval v/Ole Petter Bratteberg tlf. 975 59 036 eller Gro Reinertsen tlf 975 59 058.

Alle førespurnadar vert handsama fortruleg.

Søk på stillinga på via Jobbnorge snarast, og seinast 12.08.2024

Det vert utarbeida offentleg søkjarliste og me viser til offentlegheitslova §25, andre ledd om høve til å verte unnateke søkarlista.