![Extra Leira logo](https://images.finncdn.no/dynamic/480w/logo/result/1349044/iad_1213114451573740004extra1.png)
![Vang Kommune logo](https://images.finncdn.no/dynamic/default/2024/8/vertical-0/13/7/365/580/427_c294180c-4e91-4e36-a1da-49f7b9023b9e.jpg)
Rekneskapsleiar - 100 % fast stilling
Vang Kommune
- Frist 03.09.2024
- Ansettelsesform Fast
Rekneskapsleiar - 100 % fast stilling
Vang kommune har ledig 100 % fast stilling som rekneskapsleiar ved avdeling for Økonomi og rekneskap. Du vil ha ansvar for å drifte kommunen sin rekneskapsfunksjon, og for å sikre gode og effektive prosessar for rekneskap. Rekneskapsleiar er underlagt økonomisjef. Me held til på kommunehuset i Vang sentrum, og økonomiavdelinga består av 5 tilsette. Til stillinga ligg fagansvar for rekneskap, men ikkje personalansvar for øvrige tilsette i avdelinga. Vang kommune omsetter for ca 300-350 millionar årleg. Noverande rekneskapsleiar er med oss ei tid framover slik at me sikrar ein god og solid overgang for ny rekneskapsleiar.
Me tilbyr:
- Eit inkluderande arbeidsmiljø med kompetente tilsette
- Ein jobb der ein får arbeide med «heile organisasjonen»
- Fleksibel arbeidstid
- Ein variert jobb med spennande utfordringar. Ingen dag er lik!
- Løn etter avtale/tariff og arbeidsvilkår etter gjeldande lov – og avtaleverk
- Gode pensjons- og forsikringsordningar
- I Vang er det godt å bu! (sjå mange fordeler nedst i annonsen)
- Hjelp til å skaffe bustad ved behov
Arbeidsoppgåver
- Ansvar for rekneskap og inkasso i Vang kommune
- Utarbeiding av årsrekneskap
- Ansvar for å sikre høg kvalitet på internkontroll og rutinar i rekneskapsprosessen
- Ansvar for inngåande og utgåande fakturabehandling, avstemmingar, banktransaksjonar og rekneskapsmessige vurderingar
- Påsjå at gjeldande lover, regler og avtalar vert fulgt
- Systemeigar for økonomisystem
- Forbedringsarbeid og vidareutvikling av rekneskapsfunksjon, prosessar og arbeidsmetodar, herunder effektivisering og digitalisering av rutinar
- Dialog med revisor
- Arbeid knytt til legat
- Rapporteringsarbeid
- Rådgjeving og saksbehandling knytt til rekneskapsmessig arbeid
- Andre arbeidsoppgåver kan bli lagt til stillinga og kommunen er i kontinuerleg endring, dvs at endring i arbeidsoppgåvar må påreknast.
Kvalifikasjonar
- Fortrinnsvis relevant utdanning
- God erfaring kan vege opp for manglande formalkompetanse
- Ynskjeleg med relevant erfaring
- God talforståing
- Gode digitale kunnskapar, systemforståelse og interesse for IKT
- God skriftleg og munnleg framstillingevne
- Gode norskkunnskapar munnleg og skriftleg
Personlege eigenskapar
- Positiv, effektiv og serviceorientert
- Nysgjerrig på system og opptatt av utvikling og av å finne gode effektive løysingar
- Prosess- og løysingsorientert
- Fleksibel og sjølvstendig
- Gode samarbeids- og kommunikasjonsevnar
- Strukturert og endringsvillig
Personleg eignaheit vil bli vektlagt.
Vang kommune nyttar nynorsk som målform.
Om arbeidsgiveren
- Ca 290 tilsette fordelt på kommunalområda: Helse og omsorg, Utdanning og kultur, Landbruk og teknisk, og Stab
- Den viktigaste ressursen me har er våre tilsette. I Vang kommune gjer me det me kan for at tilsette skal ha det bra på arbeid!
Å bu i Vang kommune:
- Ei storstilt satsing på barn og unge!
- Ein kombinert barne - og ungdomsskule, med ca 200 elever. Nyrenovert med heilt ny fleirbrukshall med klatrevegg, basseng etc. Tolærarsystem, slik at det nesten alltid er to lærarar tilstades i klasserommet. Skulen nyttar Vang sin flotte natur mykje, både ved uteskule, faget FRI-NAT (friluftsliv og natur), og spanande utflukter. I Vang er SFO gratis for alle barn!
- Vang kommune har to barnehagar, Høre og Fredheim, begge har småbarns og storbarnsavdeling. I Vang er det løpande barnehageopptak (start når det passar dykk!) og frå august 2024 er månadsprisen per barn 1500 kr
- Helse og omsorgstenester av god kvalitet
- Vang kommune har personalbustadar til leige, med butid opptil 3 år
- Byggeklare tomter fleire stadar i kommunen, alle med fantastisk utsikt!
- I Vang finn du 2 solide kontorfellesskap, gjer som fleire andre og ta med deg arbeidet til Vang!
- Både i Vang og resten av Valdres finn du eit yrande kulturliv, der tradisjon står i høgsete, med blant anna tradisjonsmat, tradisjonsmusikk, tradisjonshandtverk og aktiv stølsdrift. Vang kommune har også ein god kulturskule med stort utval av tradisjonelle og moderne aktivitetar
- I Vang står lag, foreiningar og idrett sterkt, her finn du aktivitetar for einkvar smak!
- Vang har ein storarta natur som innbyr til friluftsliv sommar som vinter, er du glad i turar, ski, jakt og fiske så er dette staden for deg! Vang blir sagt å ha "vestlandsfjell med austlandsklima", og er ei bygd med landbruk, grundarar, turisme og næringsliv i eit levande og inkluderande bygdesamfunn. I Vang finn du også store delar av Jotunheimen og ikkje minst festivalen Vinjerock
- I Vang har dei fleste kort avstand mellom arbeid, barnehage og skule. Her kan du leve eit så roleg eller så aktivt liv som du sjølv ynskjer, i ei distriktskommune med positiv folketalsutvikling
- Meir info om korleis det er å bu i Vang og kva som skjer i Vang finn du her på VangiValdres. Kontakt gjerne Innovangsjon direkte om du tenker på å flytte til Vang!
- Meir info om arbeids - og bumarkedet Valdres finn du på VelgValdres
Vang kommune er opptatt av mangfold og oppmodar kvalifiserte kandidatar til å søke uansett alder, kjønn, funksjonsevne eller kulturell bakgrunn.
Me gjer merksam på at søkjarar kan få sitt namn gjort offentleg i søkjarlista, sjølv om det er bedt om konfidensiell behandling. Du som søkjar vil i tilfelle bli varsla på førehand om det.
- Sektor: Offentlig
- Lederkategori: Leder
- Sted: Tyinvegen 5161, 2975 Vang i Valdres
- Bransje: Offentlig administrasjon
- Stillingsfunksjon: Økonomi og regnskap / Regnskap, Økonomi og regnskap
- Arbeidsspråk: Norsk
Nøkkelord
økonomi, leder, regnskap
- FINN-kode 365580427
- Sist endret
Lignende annonser
![Extra Leira logo](https://images.finncdn.no/dynamic/480w/logo/result/1349044/iad_1213114451573740004extra1.png)
![Sparebank 1 Hallingdal Valdres logo](https://images.finncdn.no/dynamic/480w/logo/result/924088352/iad_5990222309564410437rgb_sb1_halling_valdr_verti_pos.png)
![Sparebank 1 Hallingdal Valdres logo](https://images.finncdn.no/dynamic/480w/logo/result/924088352/iad_5990222309564410437rgb_sb1_halling_valdr_verti_pos.png)
![Riddergaarden Mountain Lodge logo](https://images.finncdn.no/dynamic/480w/2024/8/vertical-0/05/4/364/205/364_14807efc-54c3-42aa-9df0-e04fc33c4c1b.jpg)
![Extra Leira logo](https://images.finncdn.no/dynamic/480w/logo/result/1349044/iad_1213114451573740004extra1.png)
![Øystre Slidre kommune logo](https://images.finncdn.no/dynamic/480w/2024/8/vertical-0/13/9/365/605/789_fef44a78-4a8a-42ff-ab65-9bf5e3579463.jpg)
![Riddergaarden Mountain Lodge logo](https://images.finncdn.no/dynamic/480w/2024/8/vertical-0/05/9/364/213/909_4d44e707-700d-4f63-9a58-c2d5b7e4a136.jpg)
Restaurantmedarbeider til Riddergaarden Mountain Lodge
Riddergaarden Mountain Lodge
![Biltema Norge AS logo](https://images.finncdn.no/dynamic/480w/2024/8/vertical-0/14/3/365/750/483_a4ee1cb9-5232-4c96-b5b9-90633d1c3cbc.png)
![Falck Norge AS logo](https://images.finncdn.no/dynamic/480w/2024/7/vertical-0/15/2/361/333/752_b70eba7c-1791-4cf9-bf24-6b54ddfe3167.jpg)
![Uloba - Independent Living Norge SA logo](https://images.finncdn.no/dynamic/480w/2024/8/vertical-0/02/3/363/709/553_9b69dec5-8b34-4cb7-8329-51b763ce04f9.jpg)
![KIWI 239 Rena logo](https://images.finncdn.no/dynamic/480w/logo/result/37451304/iad_573601655058443411900-kiwi-minipris-logo_mediumlarge.png)