Spesialrådgjevar for kommunedirektøren
ALVER KOMMUNE
- Frist 29.9.2024
- Ansettelsesform Fast
Er du samfunnsengasjert, analytisk og strategisk?
Om arbeid som spesialrådgjevar
Stillinga som spesialrådgjevar for kommunedirektøren er ei nyoppretta stilling som vil jobbe tett saman med kommunedirektøren og leiarteamet hans.
Du vil bidra til at Alver kommune jobbar smart og systematisk. Stillinga vil ha ei sentral rolle i det spennande omstillingsprosjektet «Alver i endring og omstilling 2026», der målet er at kommunen skal spare pengar og finne nye måtar å levere gode tenester til innbyggjarane på.
Kontorplass vil være på rådhuset i Knarvik. Hos oss finn du eit livlig og attraktivt arbeidsmiljømed høgt tempo. Stillinga som spesialrådgjevar gir spennande mogleheit til å vere med på å vidareutvikle Alver kommune.
Om du ikkje allereie bur her, kan du ta med deg flyttelasset og etablere deg i Alver. Vi kan lokke med ein flott kommune der sjø, fjell og aktiveorganisasjonar er sentrale ingrediensar. Her finst også gode jobbmoglegheiter i kommunen og det private næringslivet om fleire i familien treng arbeid.
Hovudarbeidsoppgåver i stillinga
- Støtte kommunedirektøren og leiargruppa hans, som i dag består av fire kommunalsjefar
- Rådgjeving og problemløysing for både administrativ og politisk leiing
- Delta i prosjekt og prosessar som påverkar heile kommunen
- Vere sentral i omstillingsarbeidet kommunen står i
- Kontakt med eksterne aktørar som fylkeskommunen, Statsforvaltaren og andre samarbeidspartnarar
- Sette deg raskt inn i ulike problemstillingar og bistå i arbeidet med å skrive strategiske planar og dokument
Kvalifikasjonskrav
- Relevant høgskuleutdanning, til dømes innan samfunnsfag, kommunikasjon eller media
- Erfaring frå arbeid med rådgivning i toppleiargrupper, større endringsprosessar eller prosjekt. Dette kan kompensere for
- utdanningskravet
- Kjennskap til, eller erfaring med arbeid i kommunal eller offentleg sektor
Personlege eigenskapar
Som spesialrådgivar har du eit heilskapleg blikk, og får raskt oversiktsbilete over sakene du arbeider med. Du er sjølvstendig, analytisk, og bidrar til gode vurderingar. Du har god arbeidskapasitet, meistrer å handtere fleire parallelle prosessar samtidig og levere saker under tidspress.
Du er ein som tar initiativ, og er i stand til å gjennomføre prosessar som gir betre kvalitet for innbyggjarane. For at du skal lukkast i arbeidet treng vi at du har god samarbeidsevne, lyttar med respekt og er engasjert i arbeidet. I denne stillinga er det viktig at du har gode munnlege og skriftleg framstillingsevne og god digital kompetanse.
Vi tilbyr
- Konkurransedyktig løn
- Gode pensjons- og forsikringsordningar
- Faglege og personlege utfordringar
- Deltaking i leiarmøte og politiske møte
- Kompetanseheving saman med leiarane i kommunen
- Moglegheita til å vere med på å vidareutvikle Alver kommune
- Eit livlig og attraktivt arbeidsmiljø med høgt tempo
Om arbeidsgiveren
Alver kommune - Ein spennande organisasjon for engasjerte og kompetente medarbeidarar!
Velkomen til Alver kommune, ein kommune som har vakse til å bli ein av dei største kommunane i fylket. Med om lag 30 000 innbyggjarar og 2 700 dedikerte tilsette, har vi eit sterkt samfunn som søkjer å løyse utfordringar og utvikle seg vidare.
Vår plassering nord for Bergen gir oss privilegiet av ei variert og fascinerande natur. Frå rolege fjordar og opne havområde til majestetiske fjell og lokale toppar, byr Alver kommune på ei rekkje utandørs opplevingar. Vi er også stolte av å huse verdas beste korps og vere vertskap for eit rikt kulturliv.
Vi verdset meiningsfulle oppgåver og ser på kvar einaste medarbeidar som ein verdifull bidragsytar til vårt viktige samfunnsoppdrag. Som ein del av vårt team vil du få moglegheita til å engasjere deg og bruke din kompetanse til å forme framtida til vår kommune. Vi legg vekt på å skape eit arbeidsmiljø der du kan bløme og utvikle deg. Alver kommune har heiltidskultur som satsingsområde i heile organisasjonen.
Bli med på vårt eventyr i Alver kommune, der vi søkjer etter dedikerte og dyktige menneske som ønsker å vere ein del av vår felles suksesshistorie. Vi ser fram til å ønskje deg velkommen og gi deg ei meiningsfull og givande karriere hos oss.
- Sektor: Offentlig
- Lederkategori: Fagleder
- Sted: Kvernhusmyrane 41, 5914 Isdalstø
- Hjemmekontor: Delvis hjemmekontor
- Bransje: Barn, skole og undervisning, Helse og omsorg, Offentlig administrasjon
- Stillingsfunksjon: Analyse, Forretningsutvikling og strategi, Rådgivning
- Arbeidsspråk: Norsk
Nøkkelord
rådgiving, administrativ, omstilling, toppleiargrupper, kommunikasjon
Kommunedirektøren med leiargruppe (1/3)
meta.heading
- FINN-kode 370225392
- Sist endret