NGIR søkjer etter driftssjef

NGIR har fokus på å ta vare på ressursane i avfallet, og har utvikla seg til å verte ei produksjonsverksemd der innsamling, mottak, sortering og omlasting av avfall til gjenvinning er viktige oppgåver. I tillegg driv NGIR mellom anna deponi for lettare forureina massar.

Driftssjef rapporterer direkte til dagleg leiar. Stillinga inngår i leiargruppa, og inneber personalansvar. Driftssjef skal sjå til at NGIR si daglege drift og produksjon går slik den skal.

Driftssjef skal:

• Leie og koordinere dei fire driftsavdelingane i NGIR: Gjenvinningsstasjonar, Sorteringsanlegg, Utedrift/Deponi og Transport.
• Ha personalansvar for avdelingsleiarane.
• Ivareta økonomien i NGIR Drift AS.
• Sjå til at arbeidet i driftsavdelingane vert utført på ein god og trygg måte.
• Sjå til at drifta vert utført i samsvar med driftsløyve og andre krav frå styresmaktene.
• Sikre naudsynt vedlikehald på eksisterande bygg- og anleggsmidlar.
• Syte for tett og godt samarbeid på tvers av avdelingane og dotterselskapa i NGIR.

Kvalifikasjonar:

• Relevant høgskuleutdanning, på minimum bachelornivå
• Leiarerfaring, inkludert personalansvar
• Gode kommunikasjonsevner, munnleg og skriftleg

Det vil òg vere positivt om du har:

• Erfaring frå arbeid knytt til offentleg forvaltning.
• Erfaring frå produksjonsverksemd, anlegg eller avfallsbransjen.
• Erfaring frå større verksemd(er).
• Tidlegare oppnådde resultat å vise til.

Ønskte personlege eigenskapar:

• Gode samarbeidsevner
• Miljøengasjement og eit ønskje om å bidra i det grøne skiftet
• Ærleg og oppriktig
• Serviceinnstilt
• Sjølvstendig
• Strukturert og nøyaktig
• Resultat- og målorientert

Det vert lagt stor vekt på søkjaren sine personlege eigenskapar. Oppstart og løn etter avtale. God pensjonsordning i KLP. Tenestemålet i NGIR er nynorsk.

NGIR ønskjer som arbeidsgjevar å spegle mangfaldet i samfunnet, og oppmodar difor alle kvalifiserte kandidatar, uavhengig av bakgrunn, til å søkje på denne stillinga. Vi vil freiste å leggje til rette på arbeidsplassen om det er behov for det. 

Om du ønskjer ytterlegare informasjon om stillinga, ta kontakt med dagleg leiar, Bjørn Berg på tlf: 90110545/56343329