Funksjonsleiar, LAR poliklinikk

Me ser etter deg med hjarte for tverrfagleg spesialisert rusbehandling og som ynskjer å leie utviklinga av vår LAR poliklinikk i Haugesund sentrum.

LAR poliklinikken er organisert som ei eiga eining under Haugaland DPS og er bemanna med sjukepleiarar/vernepleiarar. Eininga samarbeidar tett med behandlarar og overlege i TSB poliklinikk i felles pasientforløp.

Funksjonsleiar i LAR poliklinikken inngår i eit større leiarteam saman med leiarar for allmennpsykiatrisk poliklinikk, psykosepoliklinikk, TSB poliklinikk, TSB døgnavdeling og 3 døgnavdelingar innanfor psykisk helsevern, samt merkantilområdet.

Me søkjer ein fagleg engasjert leiar som ynskjer å gjere ein forskjell innan tverrfagleg spesialisert rusbehandling og i utviklinga av Haugaland DPS som heilhet.
Intervjuer kan bli gjennomført fortløpande, så søk allereie no.

Arbeidsoppgåver

• Ansvarleg for leiing av medarbeidarane samt tilrettelegge for utvikling i tråd med nasjonalfaglege retningslinjer
  
• Delta aktivt i klinisk arbeid
• Samarbeid med tillitsvalde og vernetjeneste
• Følgje opp fagleg nettverkssamarbeid med kommunehelseteneste og spesialisthelseteneste
• Planlegge kompetanseutvikling, internundervisning knytt til både fag og HMS
• Ansvar for bemanningsplanlegging

Kvalifikasjonar

• Norsk autorisasjon som sjukepleiar/vernepleiar
• Vidareutdanning innan fagområdet er ynskjeleg
• Må beherske godt norsk både munnleg og skriftleg
• Leiarerfaring frå fagområdet rus og psykisk helse, kommune eller spesialisthelseteneste kan vere ein fordel
  

Personlege eigenskapar

Hos oss er det viktig at du:

• er god til heilskap/strategisk tenking
• har sterke samarbeidseigenskapar
  
• kommuniserer tydeleg
  
• har evne til å prioritere i ein kvardag med varierte problemstillingar
• er strukturert
• har god gjennomføringsevne, men er ydmyk i ditt arbeid
• er ein lojal og trygg leiar og kollega

Personlege eigenskapar vil bli sterkt vektlagd

Vi tilbyr

• Løn i samsvar med gjeldande overeinskomst. Individuell vurdering for spesielt kvalifiserte søkjerar.
• Medlemskap i pensjonsordning, 2% pensjonstrekk, yrkesskade forsikring, gruppelivsforsikring og tjenestereiseforsikring.
• Ein arbeidsplass som er ei inkluderande arbeidsliv-bedrift (IA-bedrift)
• Fagleg og personleg utvikling
  
• Høgt fagleg nivå
• Tverrfagleg sammensett leiarfellesskap med brei kompetanse og erfaring

Mangfaldserklæring
Helse Fonna ønskjer å spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder, funksjonsevne og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Helse Fonna ønskjer å leggje til rette for inkluderande rekruttering.