Assisterande avdelingsdirektør

Om stillinga

Helse-, sosial- og barnevernsavdelinga er den største avdelinga hos Statsforvaltaren i Rogaland og har stor breidde i ansvar og oppgåver innafor helse- sosial- og barnevernsområdet. Me har og landsdekkande funksjon innanfor helse, helseberedskap, drikkevatn, næringsmiddel og reinhald i petroleumsnæringa på norsk kontinentalsokkel. 

Me arbeider for gjennomføring av nasjonal politikk i Rogaland, har ei rekke rettstryggleiksoppgåver og er samordningsmynde i fylke. Me har ei viktig rolle som bindeledd mellom sentrale styresmakter og kommunane. 

Statsforvaltaren i Rogaland har nå ei ledig stilling som assisterande avdelingsdirektør.

Arbeidsoppgåver

Som assisterande avdelingsdirektør er du ein del av leiargruppa i avdelinga, saman med ein annan assisterande avdelingsdirektør og fylkeslegen/avdelingsdirektør. Du vil ha medansvar for ei avdeling med nærmare 50 tilsette medarbeidar med høg kompetanse innanfor ulike felt, og stort engasjement for arbeidet me gjer. Avdelinga har fire fagteam, helse, sosial, barnevern og petroleum. Kvart team har ein fagleiar. 

Medansvar for å leie og utvikle arbeidet i avdelinga, mellom anna gjennom: 

• verksemdsplanlegging og rapportering
• økonomi- og resultatansvar
• tilskotsforvalting
• personalansvar
• oppfølging av fagteam
• bidra til god samordning internt i avdelinga og mot andre avdelingar i embetet 
• dialog og samordning med overordna myndigheiter, kommunar, fylkeskommune, helseføretak, regionale statlege aktørar og andre

Kvalifikasjonskrav

Du er ein erfaren leiar som har:

• relevant utdanning på mastergradsnivå. Utdanning på lågare nivå kan kompenserast med relevant leiarerfaring
• gode leiareigenskapar og leiarerfaring frå velferdstenester eller offentleg forvalting
• kunnskap om delar av fagfelta i avdelinga
• innsikt i offentleg organisering og forvalting
• evne til å prioritere ressursbruk

Personlege eigenskapar: 

Samfunnsengasjement og ønske om å jobbe for gode og trygge velferdstenester i Rogaland

• evne til å styrke, utvikle og motivere kunnskapsmedarbeidarar
• god relasjonell kompetanse
• gode samarbeidsevner og evne til å sjå heilskapen i arbeidet
• evne til å setje deg inn i rammene for arbeidet vårt, og tenke nytt om måten me løyser utfordringane våre
• høg arbeidskapasitet og evne til å jobbe strukturert og nøyaktig
• gode formidlingsevner
• har lyst til å utvikle deg sjølv som leiar

Vi legg vekt på at den vi ser etter skal vere personleg eigna til stillinga.

Du må kunne sikkerheitsklarerast.

Vi viser og til Grunnlag for god ledelse i staten. 

Arbeidsgiverstrategi 2024-2027 og Grunnlag for god ledelse - regjeringen.no (https://www.regjeringen.no/no/tema/arbeidsliv/Statlig-arbeidsgiverpolitikk/arbeidsgiverstrategi-og-grunnlag-for-god-ledelse/id3033097/)

Vi tilbyr

• moglegheit for å påverke samfunnsutviklinga innanfor viktige velferdstenester i fylket
• lønn som assisterende direktør, kr 870 000 - 970 000 pr år, avhengig av kvalifikasjonar og erfaring
• ordna og fleksible arbeidsforhold og statleg avtaleverk 
• god pensjonsordning (det blir trekt 2% pensjonsinnskot frå lønna) gruppelivsforsikring og moglegheit for bustadlån gjennom Statens pensjonskasse 
• eit godt arbeidsmiljø med høg fagleg standard
• HjemJobbHjem-ordning 

Det er 6 månaders prøvetid i stillinga.

Statsforvaltaren jobbar med mange sider av livet og samfunnet. Derfor meiner vi at inkludering og mangfald er ein styrke. Vi ønskjer medarbeidarar med ulik kompetanse, fagkombinasjonar, livserfaring og perspektiv for å sikre ei endå betre oppgåveløysing. Så langt som mogleg legg vi til rette for medarbeidarar som har behov for det. Dersom det er kvalifiserte søkjarar med funksjonsnedsetjing, hol i CV-en eller innvandrarbakgrunn, blir minst éin søkjar innkalla til intervju. For å bli vurdert som søkjar i desse gruppene, må søkjarane oppfylle visse krav og det må kryssast av i søknaden.

Andre opplysningar

Alle som søkjer stillinga, må søke digitalt gjennom rekrutteringsportalen Jobbnorge. Du må laste opp relevante vitnemål og attester. Vitnemål og/eller karakterutskrifter hentar du frå vitnemålsportalen i Jobbnorge. Har du utdanning frå utlandet legg du ved godkjenning frå NOKUT. Vi gjer merksam på at søknaden kun blir vurdert ut frå informasjonen som føreligger ved søknadsfristens utløp. Det er viktig at du viser korleis din kompetanse fyller kriteriene som er beskrivne i annonsen. Offentleg søkjerliste utarbeidast etter søknadsfristens utløp. Dersom du ønskjer å reservere deg frå oppføring på offentleg søkjerliste må dette grunngjevast. Du vil få varsel om reservasjon ikkje tas til følgje.