100% stilling som leiar ved Byggdrift

Leiar Byggdrift

100 % stilling som verksemdsleiar Byggdrift

Verksemda Byggdrift høyrer til sektor Teknikk og Miljø i nye Ullensvang kommune.

Byggdrift har ansvar for drift, vedlikehald og utvikling av den kommunale bygningsmassen og har avdelingar i Jondal, Odda, Utne og Kinsarvik.

Me har ledig ein spennande og utfordrande stilling som verksemdsleiar for verksemda.

Kommunen sitt formål med stillinga

Verksemdsleiar har det strategiske ansvaret for planlegging og utvikling av drifts- og vedlikehaldsarbeidet, dagleg oppfølging og vedlikehald av rutinar, som er definert innanfor ansvaret og oppgåvene til verksemda.

Verksemdsleiar er ansvarleg for å utarbeide overordna planverk og dokumentasjon innanfor fagområdet, med totalansvar for økonomi og personal. Digitalisering er viktig.

Tilsyns- , drifts- og vedlikehald av kommunal bygningsmasse er nokre av ansvar til verksemda.

Følgjande hovudoppgåver ligg til stillinga:

• Ansvar for strategisk utvikling og planlegging av verksemda med fag, økonomi, budsjett og personalleiing

• Ansvar for at eininga er oppdatert mht. ulike forskriftskrav 

• Overordna ansvar for prosjekt- og byggeleiing for ulike mindre driftsprosjekt i samarbeid med Avdelingsleiar

• Ansvar for planlegging av tilstandsvurdering og vedlikehaldsbehov på kommunale bygg

• Ansvar for HMS- arbeid på verksemda

• Sørge for fagleg utvikling og kvalitetssikring av verksemda 

• Stillinga inneber eit breitt spekter av oppgåver, frå strategisk planlegging til praktisk gjennomføring av tiltak som reduserer energiforbruk og aukar miljøvennlege løysingar

• Søke ulike tilskuddsordninger for energireduserande tiltak

• God muntlig og skriftlig fremstillingsevne, mestre norsk språk godt

• Andre oppgåver kan tildelast ved behov

Kvalifikasjonar for stillinga:

Vi søker etter ein strukturert, fleksibel og løysingsorientert person som skal vera ein

pådrivar i utviklinga av verksemda Byggdrift. Det vil bli lagt vekt på personlege

eigenskaper som evne til samarbeid, heilhetsforståing, lojalitet og kreativitet.

Me set også pris på om du har godt humør og god humor.

• Bachelor- og/eller mastergrad med byggrelatert utdannelse. Relevant arbeidserfaring innen fagområdet kan kompensere for manglande formell utdanning.

• Utdanning og/eller erfaring innan personalleiing

• Utdanning og eller erfaring innan forvaltning, drift, vedlikehold og utvikling av bygg

• Kjennskap og kurs i offentlege anskaffelser

• Erfaring frå  prosjektarbeid saman med prosjektleiar for byggeprosjekt

• Gode IT- kunnskaper og erfaring med IT som arbeidsverktøy

Erfaring med HMS- arbeid

Gode digitale ferdigheiter

Du må ha førarkort klasse B

I tillegg er det ønskjeleg med:

• Kunnskap og erfaring frå drift- og vedlikehald av bygg

• Erfaring frå utviklingsarbeid

• God teknisk forståing

Personlige eigenskapar:

• Omgjengeleg og raus

• Kunne sjå samanhengar mellom oppgåver i tid og kompleksitet

• Gode samarbeidsevner

• Vi ønsker ein tydeleg leiar som er til stede for sine medarbeidarar og skaper relasjoner til andre mennesker

• Du må vera løysingsorientert og ha høg grad av gjennomføringskraft

Me tilbyr:

• Varierte og spanande arbeidsoppgåver

• Dyktige kollegaer

• Høve til personleg utvikling og kompetanseheving med støtte frå kommunen

• Ullensvang kommune har inkluderande arbeidsliv (IA), fleksibel arbeidstid og gode permisjons- og stipendordningar

• Lønn etter avtale

Ullensvang kommune har inkluderande arbeidsliv (IA), fleksibel arbeidstid og gode permisjons- og pensjonsvilkår.

Ved tilsetjing vert personlege eigenskapar vektlagt.

Ønskjer ikkje kontakt med telefonselgarar.

Sletting av utdanningsgjeld/studielån:

Ullensvang kommune er omfatta av ordninga.

Alle som bur i ein av dei 189 kommunane på SSBs sentralitetsnivå 5 og 6 kan få sletta 25 000 kroner av utdanningsgjelda i året frå januar 2026. Du må vera busett i ein av desse kommunane, og vera yrkesaktiv, i minst eitt år. Du vil få sletta utdanningsgjeld kvart år, fram til gjelda er nedbetalt. Tiltaket gjeld all typar utdanningsgjeld, uavhengig av når ho er teken opp. Ein person som bur i ein av desse kommunane frå 1. januar 2025, eller flyttar dit når som helst etter denne datoen, vil etter eitt års butid vera kvalifisert til å få sletta gjeld.

Til orientering om Offentleglova:

Utgangspunktet er at alle søkjarnamn er offentlege etter Offentleglova. Det betyr at ditt namn vert gjort offentleg på kommunen si postliste når du har søkt ledig stilling.
For å gjera unntak må kommunen ha heimel i lova og vurdera konkret i kvar sak kva som er grunnen til unntaket.
I følgje offentleglova § 25 vert det stilt følgjande krav for å få unntak:
"Det kan likevel gjerast unntak frå innsyn for opplysningar om ein søkjar dersom vedkommande sjølv ber om det. Ved vurderinga av om ei slik oppmoding skal takast til følgje, skal det leggjast vekt på om det knyter seg særleg offentleg interesse til stillinga. I utlysinga skal det gjerast oppmerksam på at opplysningar om søkjaren kan bli gjort offentlege sjølv om søkjaren har oppmoda om ikkje å bli ført opp på søkjarlista. Dersom oppmodinga ikkje blir teke til følgje, skal søkjaren varslast om dette.

Arbeidsavtalar i Ullensvang kommune:
Dei som vert tilsett i Ullensvang kommune får tilsendt arbeidsavtale til digital signering. Du får tilsendt sms og e-post med link til digital arbeidsavtale. Viss du har fått munnleg melding om at du er tilsett vil du få tilsendt arbeidsavtale. Viss du ikkje får e–post i innboksen din, sjekk uønska e-post/søppelpost, eller fylge følgjande link: https://signering.posten.no/