Vi søker leiar av tannhelsetenesta i Vestland

Vestland fylkeskommune har ansvar for den offentlege tannhelsetenesta i fylket. Vårt samfunnsoppdrag er å levere tenester av høg kvalitet til våre innbyggarar og dette løyser vi gjennom samarbeid, førebygging og god klinisk praksis. Endringar i samfunnet påverkar også vår teneste og vi søkjar no ny øvste leiar til avdelinga som kan vere med å vidareutvikle denne viktige tenesta.

Som leiar av tannhelsetenesta i Vestland vil du ha det overordna ansvaret for å leie, drifte og utvikle det samla tenestetilbodet i tannhelsetenesta i Vestland fylkeskommune Dette inneber å utvikle organisasjonen, tenestetilbodet og dei tilsette, slik at tenesta til ein kvar tid er mest mogleg effektivt organisert og har ein fagleg kompetanse tilpassa arbeidsoppgåvene.

Du vil leie ei avdeling som har omlag 550 tilsette fordelt på 55 tannklinikkar, ein intern fagstab og vårt regionale kompetansesenter, TkVestland, som tilbyr spesialistbehandling og driv fagleg utvikling og forsking. Årleg forvaltar avdelinga eit budsjett på om lag 450 mill.kr.

Ansvar og oppgåver

Leiar for tannhelsetenesta har ansvar for og mynde til å vidareutvikle eit kvalitativt og godt tilpassa tannhelsetilbod, arbeide for helsefremmande tiltak og prioritere strategisk og forebyggande arbeid. Dette omfattar:

• økonomisk og administrativ leiing av den offentlege tannhelsetenesta
• planlegging, utvikling og drift av tannhelsetjenester
• sikre ei framtidsretta tannhelseteneste, med kontinuerleg fagleg utvikling
• budsjett og økonomiansvar, samhandling med regionale og nasjonale myndigheter, etater og universitet – og høgskolesektoren

Vi ser etter deg som har relevant høgskole-/universitetsutdanning, innan helsefagleg retning og leiing.

Tannhelsetenesta er i endring og utvikling for å kunne møte framtidige behov. Til dette arbeidet treng vi ein leiar som har erfaring frå og evne til å gjennomføre og motivere for endring.

Du har solid erfaring frå leiing og økonomistyring, gjerne frå offentleg sektor eller annan relevant verksemd.

Du er ein leiar som er samlande, du involverar og fremjer samarbeid på tvers. Du trivst og lukkast med å leie og skape resultat gjennom andre. Kommunikasjonsstilen din er open og tydeleg.

Du har også god forståing for offentleg forvaltning og samspelet mellom politisk og administrativt nivå.

Dette kan vi tilby deg

• Ei spennande og utfordrande stilling i ein avdeling i endring og utvikling.
• Mogelegheit til å påverke og setje retning for eit viktig fagområde i Vestland fylkeskommune.
• Leiing av stolte og engasjerte tilsette i eit kompetent fagmiljø.
• Konkurransedyktig løn- og pensjonsordningar.
• Arbeidsstad på topp moderne Vestlandshuset i Bergen sentrum.

Vi gjer merksam på at i følgje offentleglova § 25, 2. ledd, kan opplysningar om søkjaren bli offentleggjort sjølv om du har oppmoda om å ikkje bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista blir offentleggjort.

Alle nye tilsetjingar blir gjort med ei prøvetid på 6 månader. Administrasjonsmålet vårt er nynorsk.