Klar for å ta VossVind til nye høgdar?

VossVind AS søkjer ein engasjert, kommersiell og ambisiøs dagleg leiar som ønskjer å leie eit spennande opplevingssenter i hjartet av Voss. Hos oss får du støtte frå eit erfarent styre og eit engasjert team, og moglegheit til å verkeleg setje ditt preg på verksemda. 

Kva inneber rolla? 

Som dagleg leiar får du det overordna ansvaret for drift, økonomi, sal, marknadsføring og personalleiing. Di viktigaste oppgåve blir å styrkje og utvikle VossVind gjennom aktivt sal og strategisk nettverksbyggjing. Du vil òg ha personalansvar for 5 personar. 

Dine hovudansvarsområde: 

• Heilskapleg ansvar for dagleg drift, budsjettering og resultatoppfølgjing. 

• Utvikle og gjennomføre salstrategiar mot bedriftsmarknaden, eventbyrå, turoperatørar og privatmarknaden. 

• Byggje og vidareutvikle strategiske regionale relasjonar. 

• Ansvarleg for marknadsføring og byråsamarbeid. 

• Personalansvar med vekt på trivsel, utvikling og effektiv drift. 

Vi ser etter deg som: 

• Har leiarerfaring med personal- og/eller budsjettansvar. 

• Er sterk på relasjonssal, gjerne med erfaring frå reiseliv, event- eller opplevingsbransjen. 

• Har eit kommersielt tankesett, gode kommunikasjonsevner, og trivst med å byggje relasjonar. 

• Er strukturert, resultatorientert og god på gjennomføring. 

Kvifor VossVind? 

Hos oss får du moglegheita til å leie ei unik verksemd med stort potensial for vidare vekst. Du vil jobbe i eit aktivt og positivt miljø, der glede og entusiasme for luftsport står sterkt. Rolla gir deg fridom til å påverke strategiske avgjerder og skape synlege resultat av din innsats. 

Arbeidsstad: Voss 

Vi gler oss til å høyre frå deg!