![Universitetet i Bergen logo](https://images.finncdn.no/mmo/logo/object/561905763/iad_6662970134235014536uib_ny1.png)
Vitskapleg assistent
Universitetet i Bergen
- Frist 6.2.2018
- Ansettelsesform Engasjement
Vitskapleg assistent
Ved Senter for klima og energiomstilling (CET) er det ledig ei 50 % stilling som vitskapleg assistent for ein periode på 2 år. CET er eit nytt tverrfagleg forskingssenter som skal produsere kunnskap om korleis vi kan få til nødvendig samfunnsendring for å møte klimautfordringane.
Vi søkjer nå etter ein vitskapleg assistent som i hovudssak vil ha oppgåver knytt til styrking og synleggjering av senteret. Assistenten vil få delta i ei spennande oppbyggingsfase for senteret, inngå i eit dynamisk forskingsmiljø og få gode utviklingsmoglegheiter.
Vitskapleg assistent er ei rekrutteringsstilling der hovudoppgåva er å vere ein støttespelar for den vitskaplege staben i deira undervisnings- og forskingsverksemd. Stillinga skal gi høve til innsikt i vitskapleg arbeid og metode. Samla tilsetjingstid kan ikkje overstige to år.
Arbeidsoppgåver
- Utvikling og oppdatering av nettsider
- Bidra til formidling frå senterets forsking og aktiviteter
- Organisering av møter, seminar og konferansar
- Bidra til øvrig administrativt arbeid ved senteret
Kvalifikasjonar
- Mastergrad, fortrinnsvis innan relevant tematikk for senteret
- Kjennskap til/interesse for klima og energiomstilling
- Erfaring frå kommunikasjonsarbeid/formidling er å føretrekkje
- God språkkunnskap i engelsk og norsk, munnleg og skriftlig
Personlege eigenskapar
- Er open, omgjengeleg og fleksibel
- Gode samarbeids- og kommunikasjonsevner
Vi kan tilby
- Eit godt og fagleg utfordrande arbeidsmiljø
- Løn etter lønssteg 42 - 47 ved tilsetjing (Lpl.17.515/ kode 1020/1019). Dette utgjer for tida kr. 386 700 - 416 600. For spesielt godt kvalifiserte søkjarar kan høgare løn vurderast
- Medlemskap i Statens Pensjonskasse
- Stilling i ei inkluderande arbeidslivsverksemd (IA-verksemd)
- Gode velferdsordningar
Søknad
Søknad med CV, vitnemål og attestar skal leggjast inn elektronisk via link på denne sida "søk på jobben".
Søknadsfrist: 6. februar 2018
Søknaden skal merkast 18/1100
Det vil vere aktuelt med intervju før tilsetjing.
Til informasjon
Utfyllande opplysningar om stillinga kan ein få ved å vende seg til Forskingskoordinator / Seniorrådgjevar Kårstein Måseide, karstein.maseide@uib.no, telefon: 555 83 083 (jobb), 46 68 00 69 (mobil).
Den statlege arbeidsstyrken skal i størst mogleg grad avspegle mangfaldet i folket. Det er difor eit personalpolitisk mål å få ei balansert alders- og kjønnssamansetning og rekruttere personar med innvandrarbakgrunn. Personar med nedsett funksjonsevne og innvandrarbakgrunn vert oppmoda om å søkje stillinga.
Universitetet i Bergen nyttar meirinnsyn ved tilsetjing i vitskaplege stillingar.
Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teken til følgje, skal søkjaren varslast om dette.
Den som vert tilsett, må rette seg etter dei retningslinene som til kvar tid gjeld for stillinga.
Om arbeidsgiveren
- Sektor: Offentlig
- Sted: postboks 7802, 5020 Bergen
- Bransje: Forskning, utdanning og vitenskap, Offentlig administrasjon
- Stillingsfunksjon: Forskning/Stipendiat/Postdoktor, Samfunnsviter
- FINN-kode 112749968
- Sist endret