Fjordhagen søkjer engasjert bedriftsutviklar

Fjordhagen AS søkjer engasjert økonom til 60% stilling som bedriftsrådgjevar. Som rådgjevar vil du få ein variert arbeidskvardag med stort ansvar for bedriftsutvikling på indre Sunnmøre. 

Vi søkjer deg som er interessert i forretningsutvikling og som brenn for rådgjevarfaget. Vidare har du stort samfunnsengasjement, og er spesielt interessert i bygdeutvikling. Det er moglegheit for større stillingsprosent på sikt, du vil få vere med å bestemme nye satsingsområde. Vi ønskjer deg som har stor vilje og motivasjon, og som vil vere med å vidareutvikle Fjordhagen sitt forretningskonsept. 

Nokre arbeidsoppgåver:

·       Rådgjeving av nystarta og etablerte bedrifter

·       Planlegging og gjennomføring av aktivitetar i Fjord næringsforum

·       Oppdatering av nettside og sosiale media

·       Arbeide proaktivt for å identifisere behov for lokalt næringsliv

·       Prosjektarbeid 

Vi søkjer deg som har utdanning innan økonomi og administrasjon, minst på bachelornivå. Lang arbeidserfaring kan kompensere for manglande utdanning. Det er ønskeleg at du har spesialisering innan innovasjon, HR, reiseliv, berekraft, marknadsføring/sal eller liknande. Personlege eigenskapar blir tillagt stor vekt. 

Personlege eigenskapar:

·       Sjølvstendig

·       Gode samarbeidsevner

·       Ansvarsbevisst 

·       Proaktiv

·       Gode munnlege og skriftlege kommunikasjonsevner 

Vi tilbyr konkurransedyktige vilkår, spanande arbeidsoppgåver, stor fleksibilitet og godt arbeidsmiljø. Du blir ein del av eit tverrfagleg kontorlandskap der forholda ligg til rette for kompetansedeling og samarbeid.

Ta kontakt med Terese J. Moen på tlf. 928 05 659 dersom du har spørsmål om stillinga.