Ledig 80% fast stilling – sosialt arbeid i Ulvik herad

Stilling som sakshandsamar/rettleiar

Ulvik herad søkjer etter ein motivert person som kan bidra til at Ulvik har gode sosialtenester og tenester for flyktningar. Stillinga er om lag 50% arbeid med dei kommunale NAV-oppgåvene, og 30% arbeid knytt til flyktningar. Du vil være samlokalisert med statleg NAV-tilsett som har kontorplass i Ulvik, og du vil jobbe tett med andre fagområder i kommunen. Du blir del av eit fagleg og sosialt felleskap knytt opp til statlege NAV-tenester i regionen Hardanger og Voss, rus og psykisk helse, legekontor, flyktningtenestene, og Spira: barne og familieeininga.

Oppgåver

Kjerneoppgåvene for stillinga vil vera sakshandsaming etter sosialtenestelova og dei øvrige kommunale tenestene i NAV, og oppgåver som høyrer naturleg saman med dette. Individuell oppfølging og rettleiing av flyktningar, særleg knytt til NAV-sine tenester.

Oppgåver inkluderer sakshandsaming, vedtak og oppfylgjing av brukarar inkludert klagesaker. Du vil få opplæring og ansvar for oppfølging av bustøtteordninga, og oppfølging av ordning for økonomisk råd og rettleiing som heradet har eit eksternt samarbeid om.

Ynskja kvalifikasjonar

•  Relevant sosialfagleg 3-årig høgare utdanning, helst sosionomutdanning
•  Erfaring frå NAV og sosialt arbeid
• God IT-kompetanse
• Erfaring med fagsystemet Socio er ein fordel
• Personlege eigenskapar vil bli lagt vekt på

 Personlege eigenskapar

Me er ute etter deg som har evne til å arbeide sjølvstendig, med eit fagleg engasjement og høg motivasjon. Du bør ha god evne til å finne løysingar. Me er ein liten kommune og tilsette må ofte forholde seg til ein bredde i oppgåver og ansvarsområder som ein kanskje ikkje får i større kommunar – du bør ha evnen til å sjå moglegheitene og fordelane med dette, og bidra til at me klarar å utnytte at me er små for å levere betre tenester. Du må kunne samarbeide og kommunisere med ei rekke fagområde og kollegaer.

Me kan tilby

• Løn etter gjeldande tariff og lokale føringar
• Kontorplass på sentrumsbygget i Ulvik sentrum
• Mobiltelefon og PC
• Ein arbeidsplass med stor variasjon og mange dyktige kollegaer

Oppstart: Snarast