Norsk Forfattersentrum Vestlandet søker medarbeider

Norsk Forfattersentrum har ca 2000 medlemmar som skriv skjønnlitteratur og sakprosa for barn, ungdom og vaksne. Gjennom Norsk Forfattersentrum tilbyr forfattarar foredrag, samtaler, skrivekurs, opplesingar, skulebesøk, digitale oppdrag og mykje meir. Oppdragsgivarar er gjerne næringslivet, bibliotek, skular, offentlege institusjonar, litteraturhus, festivalar og organisasjonar.

Vestlandskontoret har spesielt ansvar for dei 273 medlemsforfattarane som bur i Vestland og Rogaland. Kontoret er mellom anna arrangør av Dei litterære festspela og Litterært springbrett.  

Det overordna målet vårt er å skaffe oppdrag til medlemmane. Vi formidlar òg informasjon om honorarsatsar, rettar og forfattarøkonomi. Formidlingskonsulenten skal halde nær kontakt med viktige oppdragsgivarar som Den kulturelle skolesekken, fylkeskommunane, skuleverk, bibliotek, festivalar og andre arrangørar. Det er derfor nyttig om du allereie har eit solid nettverk og kjenner det offentlege i landsdelen.