Lærling i logistikkfaget

Nav hjelpemiddelsentral Vestland, Bergen, avdeling Drift, har ledig ein læreplass i logistikkfaget. Læreplass i staten er lønsplassert i kode 1362, med startløn på kr. 418 500,-. Løna blir justert opp kvart halvår. Frå løna blir det trekt 2 % pliktig innskot til Statens pensjonskasse.

Læretida er i utgangspunktet 30 månader, avhengig av utdanning og arbeidserfaring. Endeleg læretid blir fastsett i samråd med Vestland Fylkeskommune i samband med at det blir inngått lærekontrakt.

Nav hjelpemiddelsentral Vestland, Bergen er godkjend lærebedrift i logistikkfaget. Lærlingen får opplæring innan læreplanmåla i læreplan i vg3 logistikkfaget. (LOG03-02).

Er du interessert i å lære meir om logistikk? Ynskjer du å bidra til å gi menneske moglegheiter? Då er dette noko for deg! Nav hjelpemiddelsentral forvaltar store mengder hjelpemiddel, til høge verdiar. I løpet av eit år leverer vi ut over 100.000 hjelpemiddel til brukarar i Vestland fylke. No søkjer vi etter ein engasjert lærling til teamet vårt, som kan vere med i dette arbeidet.

Du vil få ei grundig innføring i logistikk og kundebehandling, planlegging og forbetringsarbeid og systematisk HMS-arbeid. Du får også opplæring i å arbeide i tråd med gjeldande regelverk, prosedyrar og instruksar.

Arbeidsoppgaver

Som lærling vil du få varierte arbeidsoppgåver knytt til formidling av hjelpemiddel:

• mottak av varer
• registrering og plassering på hovudlager og delelager
• pakking og sending av varer til kommunane
• teljing og kontroll av lagervare
• gjenbruksarbeid
• anna arbeid som må gjerast på avdelinga

Kvalifikasjoner

For å bli vurdert til læreplassen må du ha

• fylt 18 år ved oppstart
• gjennomført minimum vg1 transport og industrifag og Vg2 transport og logistikk
• interesse for faget
• evne til å følgje rutinar og forskrifter, særleg knytt til sikkerheit
• god IT-kompetanse

Ynskjelege kvalifikasjoner

• førarkort klasse B.
• truckførarbevis – dette kan du få hos oss om du ikkje har frå før

Personlige egenskaper

Vi ynskjer ein lærling som har

• gode samarbeidsevner og evne til å jobbe sjølvstendig
• teknisk innsikt og praktisk sans
• motivasjon, engasjement og tydeleg serviceinnstilling
• gode kommunikasjonsferdigheiter

Vi tilbyr

• ei spennande, interessant og variert læretid med gode moglegheiter for utvikling
• opplæring og rettleiing frå erfarne fagfolk
• planlagde læremål og dokumentert oppfølging minst kvart halvår
• minst 2 veker hospitering på fagområde vi har mindre av hos oss
• eit inkluderande og støttande arbeidsmiljø
• moglegheit til å bidra til ei berekraftig framtid
• gjennomføring av fagprøve på slutten av læretida

Spørsmål om stillinga kan rettast til leiar på avdeling Drift, Maria L. Karlsen, telefon 95 03 20 57 eller e-post maria.langstrand.karlsen at nav.no

Vi gjer merksam på at CV blir brukt i utvida søkarliste. Ta med originale vitnemål, karakterutskrift og attestar til eit eventuelt intervju.