Vert Sogn og Fjordane kunstmuseum

Med oss fer du rikare!

Vi i Musea i Sogn og Fjordane søkjer deg som vil bruke delar av sommaren din hos oss på kunstmuseet i hjarte av Førde by. 

Vi håpar at du etter ein sommar hos oss fer rikare vidare på din veg: Du har fått relevant arbeidserfaring, du har arbeidd saman med og blitt kjend med kjekke kollegaer, du har lært om kunst- og kulturhistoria vår, du har møtt mange menneske og opplevd vestlandsnaturen i all slags vêr!

Om stillinga

Våren og sommaren er ei travel tid på musea, med mange besøkande som vil oppleve utstillingar, og det museet har å by på inne og ute. Som vert spelar du ei viktig rolle i sesongavviklinga, og du vil ta del i å løyse mange oppgåver på museet, både åleine og saman med andre. 

Du vil ha ei vertskapsrolle der du:

• tek imot besøkande på museet
• har førstelinjeteneste i resepsjon (telefon og billettsal)
• driv salg og varehandtering i butikk
• publiserer innhald i museet sine SoMe-kanalar
• informerer publikum om utstillingane
• har enkle administrative oppgåver
• har enkle reinhalds- og skjøtselsoppgåver inne- og ute
• støtte og hjelp til Kafé Sobra

Vi ser etter deg som:

• er fødd seinast i 2006
• er flink til å uttrykke deg munnleg på norsk og engelsk
• trivst i ei vertskaprolle
• har interesse for og likar å formidle kunsthistorie
• tilpassar deg og trivast med variasjon i arbeidsoppgåver
• stiller opp og er til å lite på
• har ordenssans og får ting gjort
• sørvissinnstilt

Praktisk informasjon om stilling og søknad

Som vert hos oss vil du få god opplæring både på museet, og som deltakar på eit digitalt INTRO-program i Musea i Sogn og Fjordane. Du må derfor ha høve til å setje av tid til dette laurdag 26. april. 

Vi har behov for vertar som er tilgjengelege frå midten av mai til midten og ut august. Det vil vere mogelegheit for vidare arbeid i helger utover hausten. Skriv gjerne i søknaden din når du kan jobbe. 

Opningstider:

Museet er ope heile året frå tysdag-søndag  11-16. I sommarsesongen er museet ope kvar dag.

Arbeid følgjer vaktplan etter opningstider. Merk - mogleg behov ved bestilling og arrangement. 

Vi oppmodar kvalifiserte kandidatar om å søkje uavhengig av kjønn, funksjonsevne og kulturell bakgrunn. Søknad registrerer du via lenke på denne sida. CV, vitnemål og attestar skal du laste opp under "Vedlegg".
Vi gjer merksam på at søkarlista kan bli kravd gjort offentleg.

Nærare opplysningar får du ved å vende deg til museumsleiar, sjå kontaktinfo nedst på denne sida. 

Ved spørsmål som gjeld elektronisk søknadsskjema kan du ta kontakt med Jobbnorge på tlf. 75 54 22 20 eller kundeservice@jobbnorge.no kvardagar mellom 08:00-16:00.