Sommarvert på Vågsberget

Med oss fer du rikare!

Vi i Musea i Sogn og Fjordane søkjer deg som vil bruke delar av sommaren din hos oss i fantastiske omgjevnader på Vågsberget ved Måløy i Kinn kommune. 

Etter ein sommar hos oss fer du rikare: Du har fått relevant arbeidserfaring, du har arbeidd saman med og blitt kjend med kjekke kollegaer, du har lært om kulturhistoria vår, du har møtt mange menneske og opplevd vestlandsnaturen i all slags vêr!

Om stillinga

Sommaren er ei travel tid på Vågsberget, med mange besøkande som vil oppleve det vi har å by på inne og ute. Som sommarvert spelar du ei viktig rolle i sesongavviklinga, og du vil ta del i å løyse mange oppgåver på museet, både åleine og saman med andre. I 2025 ventar vi besøk av mange tyske cruise-turistar, og vi er difor særleg på jakt etter deg som kan snakke tysk.  

Som sommarvert hos oss vil du ha ei vertskapsrolle der du:

• tek imot besøkande på museet
• har førstelinjeteneste i resepsjon (telefon og billettsal)
• driv ein enkel kafe og museumsbutikk
• publiserer innhald i museet sine SoMe-kanalar
• går omvisingar med besøkande
• har enkle reinhalds- og skjøtselsoppgåver

Vi ser etter deg som:

• er fødd seinast i 2007
• er flink til å uttrykke deg munnleg på norsk, tysk og engelsk
• trivst i ei vertskaps- og omvisarrolle
• har interesse for og likar å formidle kulturhistorie
• har erfaring med SoMe
• tilpassar deg og trivast med variasjon i arbeidsoppgåver
• stiller opp og er til å lite på
• har ordenssans og får ting gjort

Praktisk informasjon om stilling og søknad

Som sommarvert hos oss vil du få god opplæring både på museet, og som deltakar på eit digitalt INTRO-program for alle sommarvertar i Musea i Sogn og Fjordane. Du må derfor ha høve til å setje av tid til dette laurdag 26. april. 

Arbeidet på museet følgjer vaktplan, normalt med arbeidstid mellom 11:30-17:15 torsdag til søndag i perioden 20.06.2024-18.08.2024. I tillegg vil det vere vakter i samband med cruise-anløp og arrangement til andre tider, primært i perioden mai-september. 

Vi oppmodar kvalifiserte kandidatar om å søkje uavhengig av kjønn, funksjonsevne og kulturell bakgrunn. Søknad registrerer du via lenke på denne sida. CV, vitnemål og attestar skal du laste opp under "Vedlegg".
Vi gjer merksam på at søkarlista kan bli kravd gjort offentleg.

Nærare opplysningar får du ved å vende deg til museumsleiar, sjå kontaktinfo nedst på denne sida. 

Ved spørsmål som gjeld elektronisk søknadsskjema kan du ta kontakt med Jobbnorge på tlf. 75 54 22 20 eller kundeservice@jobbnorge.no kvardagar mellom 08:00-16:00.