Helsefag eller barne- og ungdomsarbeidar 65% og 30%

Om stillinga

Me søkjer 5 engasjerte og fagleg interesserte helsefag eller barne- og ungdomsarbeidar til å arbeide med ungdommar i Avlastningsbustader. Stillingane er for tida knytt til eit ein-til-ein tilbud per i dag. 

Me treng 2 fagarbeidarar på dagtid, ein i kring 65% stilling og ein i kring 30%, samt 3 våkne nattevakter i rundt 70% stilling. Det er mogleg å sjå på omjusteringar når endeleg turnus er fastsett.

Me søkjer etter deg som er tålmodig og engasjert, motiverande og positiv. Du er initiativrik og har engasjement for brukargruppa og ynskjer å gjere ein forskell i born og unge sitt liv!

Om oss 

Avlastningsbustader i Alver kommune er tilrettelagde bustader for barn og unge med ulike bistandsbehov. Desse bustadene er ein del av habiliteringstenesta og gjev tenester til barn og unge med nedsett funksjonsevne og/eller utviklingshemming. Målet er å sikre ein best mogleg kvardag for gjestane ved å tilby høgkvalitets tenester og støtte. Me gjev avlastning til pårørande som har særlig tyngande omsorgsarbeid.

Kva vil det sei å kjenna seg heime?

Me ser ikkje berre på barne- og avlastningbustad som ein fysisk stad, men òg som ein eksistensiell tilstand prega av tryggleik, tilhøyrsel og respekt.

Som fagarbeidar vil du vera med på å hjelpa tenestemottakarar, med å skapa ein trygg stad og koma i kontakt med kjensla av å høyra til.

Du vil få moglegheit til å vera med på å utvikla ei faglegheit som har fokus på å skapa endring gjennom relasjonar, tryggleik, tillit og respekt - me ser på dette som grunnleggjande føresetnader for utvikling!

Arbeidsoppgåver

• Leggje til rette for barne- og avlastningsbustader, der ungdommen kan utvikla seg etter sine evner og føresetnader.
• Bidra til å etablera gode rutinar og strukturar i kvardagen.
• Gje omsorg og hjelpa ungdom og born med å utvikla nødvendige evner dei treng for å kunne administrere eit kvardagsliv etter sine behov føresetnader.
• Tilretteleggje for ein meiningsfull fritid og arenaer for tilhøyrsle.
• Kollegastøtte
• Fagutvikling
• Rapportering

Kvalifikasjonskrav

• Fagarbeidar innanfor helsefag og/eller barne- og ungdomsarbeid
• Arbeidserfaring med barn/ungdom med utviklingshemming og/eller åtferd som utfordrar
• Gode digitale ferdigheiter og kjennskap til dokumentasjonsverktøy
• Førarkort klasse B
• God norsk munnleg og skriftleg framstillingsevne
• Ha erfaring med og kompetanse i kapittel 9 i helse- og omsorgslova

Personleg eignaheit blir vektlagt - det er viktig at du er ein trygg vaksen som også er trygg på deg sjølv

Me søkjer deg som

• Har gode relasjonelle ferdigheiter og evne til å skapa tillit over tid
• Er trygg på deg sjølv, handterer krevande situasjonar med ro og tydelegheit, og tar kloke avgjerder under press
• Ser moglegheiter der andre ser utfordringar
• Kan reflektera etisk og fagleg over komplekse problemstillingar

• Er fleksibel og løysingsorientert
• Har interesser eller kompetanse innanfor aktivitetar som sjakk, fiske, gaming og praktisk arbeid
• Har gode kommunikasjonsevner og ser betydninga av både små og store augeblikk i relasjonsbygging

Me tilbyr

• Ein meiningsfull jobb der du kan gjera ein konkret forskjell i livet til born og unge
• Oppfølging og rettleiing
• Årsturnus med moghegheit for innspel på arbeidstid
• Moglegheit til å utvikla ferdigheitene dine i arbeid med relasjonar, sjølvstende og tilhøyrsel
• God pensjonsordning i KLP
• Tilsetjing i samsvar med gjeldande lov- og avtaleverk

Me er ein organisasjon i læring! 

Som ein del av arbeidet vert det forventa at du bidrar til ein læringskultur ved å dela kunnskap og utvikla deg i takt med endringar i samfunnet. Du heldt deg oppdatert på relevante arbeidsverktøy, arbeidsmetoder og aktivt tek ansvar for læring, samt fagleg og personleg utvikling. I Habiliteringstenesta arbeider me med vår digitale kompetanse, og nyttar teams i vår informasjonsflyt. Bidrag til å løysa arbeidsoppgåver med ny teknologi eller anna vert godt motteke. 

Me er Alver

Me får vere der frå aller fyrste stund, og me får følgje deg gjennom livet!

Video: https://www.youtube.com/watch?v=_xHE9zF24G4&ab_channel=Alverkommune

Politiattest 

I tråd med helse- og omsorgstenestelova § 5-4 vert det stilt krav om tilfredsstillande politiattest ved tiltrede