Rådgjevar - Landbruk 100% fast

Vi søkjer

Rådgjevar innan landbruk til ein av fylket sine viktigaste jordbrukskommunar

Landbrukskontoret er organisert under næringsavdelinga i Sektor Samfunnsutvikling. Sektoren har fire andre avdelingar; byggesak og geodata, kultursenter, bibliotek og Frivilligsentral. Landbrukskontoret har i dag fire tilsette med ulik fagkompetanse som utfyller kvarandre og dei tilsette trivst på jobb.

Hos oss får du høve til å jobba aktivt ut mot aktørane i landbruket. Saman med dine kollegaer vil du på denne måten bidra til å utvikla kommunen. Vi ønskjer ei framtidsretta og god teneste til brukarane, og at du bidreg til å utvikla landbruksnæringa på ein konstruktiv måte.

Arbeidsoppgåver

Kvinnherad kommune er ein viktig landbrukskommune og ein av dei største i Vestland fylke. Stillinga som rådgjevar inneber interessante og sjølvstendig oppgåver.

Hovudarbeidsoppgåvene i stillinga vil vera:

- Pådrivar for utvikling og verdiskaping innan jord- og hagebruk

- Saksbehandling etter jord- og konsesjonslovgivinga

- Tilskotsforvalting og velferdsordningar, kontrolloppgåver og anna forvaltning etter landbruket sine særlover

- Intern og ekstern rådgiving/rettleiing knytt til fagfeltet

- Samarbeid med næringsaktørar og organisasjonar knytt til landbruket

- Arrangera fagmøte om aktuelle tema, noko som vil medføra litt arbeid på kveld og helg.

- Samarbeid om andre oppgåver i seksjonen sitt fagområde etter kompetanse, td. viltforvaltning og veterinærkontakt.

- Delta i arbeid med utforming av overordna planar og strategiar og knytt til landbruk og arealforvaltning.

- Kontakt med verkemiddelapparatet, Innovasjon Norge, Vestland Fylkeskommune og Statsforvaltaren i Vestland.

Andre oppgåver kan bli tillagt stillinga.

Arbeidsstaden er for tida Kvinnherad rådhus, Rosendal. Vi nyttar nynorsk målføre i all skriftleg kommunikasjon.

Kvalifikasjonar

- Høgare landbruksfagleg utdanning frå universitet eller høgskule , fortrinnsvis på masternivå, men kandidatar med lågare grad kan òg søkja.

- Anna relevant utdanning frå universitet eller høgskule (særleg juridisk kompetanse) i kombinasjon med relevant erfaring kan takast med i vurdering

- Erfaring frå offentleg sektor er ønskeleg

- Kunnskap om norsk regional- og landbrukspolitikk og utfordringar knytt til generell næringsutvikling

- Erfaring med prosjektleiing og arbeid med prosjekt

- Førarkort kl B

- God skriftleg og munnleg framstillingsevne.

- Ha gode nettverk innan fagområda

Personlege eigenskapar

- Samfunnsengasjert

- Evna til å arbeide systematisk og sjølvstendig

- Gode gjennomføringsevner

- Gode samarbeids- og kommunikasjonsevner

- Fleksibilitet og positiv innstilling

- Personlege eigenskapar vert vektlagt

Vi tilbyr

- Varierte og interessante arbeidsoppgåver

- Godt arbeidsmiljø samen med dyktige medarbeidarar

- Løn etter kvalifikasjonar og avtale

- Tilsetjing skjer etter gjeldande vilkår for kommunale arbeidstakarar i samsvar med HTA og AML.

- Pensjonsordning, ulykkes- og gruppelivsforsikring gjennom KLP.

- Kvinnherad kommune er ei IA-bedrift.

- Bedriftsidrettslag

- Fleksitidsordning

- Dekking av flytteutgifter etter nærare reglar.

Innsending av søknad

Kvinnherad kommune oppfordrar til å søkja elektronisk (godkjende vitnemål og attester tar ein med på evt. intervju). Normalt vil søkjar sitt namn bli offentleggjort i postjournal og offentleg søkjarliste. Dersom du ønskjer at søknaden ikkje skal verte offentleggjort må du grunngje dette. Vi gjer merksam på at opplysningar om søkjarane likevel kan verta offentleggjorde, jf. Offentleglova § 25. Du vil då verte varsla om dette på førehand slik at du har høve til å trekkje søknaden din.

Innsendte vitnemål og attestar blir ikkje returnert.

Link til søknadsskjema: Søk her