PP- rådgjevar og behandlande logoped i PPT

PPT Indre Sogn har ledig 40% fast stilling som pedagogisk-psykologisk rådgjevar, og ei 20% prosjektstilling (vert jobba for auke opp denne) på 2 år som behandlande logoped. Desse stillingane kan kombinerast.

Me søkjer etter deg som vil vera med å bidra til at barn, ungdom og vaksne får gode opplærings- og utviklingsvilkår.

Organisering og arbeidsstad

PPT Indre Sogn er ei interkommunal teneste med kontorlokale i Rådhuset på Årdalstangen. PP-tenesta har 3.5 fagstilling og yter teneste til både Årdal og Lærdal kommune.

Arbeidsoppgåver som PP-rådgjevar

Arbeidsoppgåver på individ og systemnivå.

• Støtta og rettleia barnehage og skular i oppfølginga av barn og unge med behov for tilrettelegging.
• Utarbeida sakkunnige vurderingar rundt barn, unge og vaksne sine særskilte tilretteleggingsbehov i barnehage, grunnskule og vaksenopplæring.
• Støtta barnehagar og skular i kompetansehenving og utviklingsarbeid slik at lærings- og utviklingsmiljøet blir så inkluderande og godt tilrettelagt som mogeleg.
• Delta i tverrfagleg samarbeid på området både internt i kommunen og med eksterne aktørar gjennom utviklingsarbeid som til dømes Kompetanseløftet for spesialpedagogikk og inkluderande praksis.

Kvalifikasjonar

• Relevant høgare utdanning med krav om mastergrad i pedagogikk, spesialpedagogikk eller psykologi
• Kompetanse som er relevant for å utføra arbeidsoppgåvene til PP-tenesta.
• Utgreiing og testkompetanse
• Erfaring med rettleiing på individ - og systemnivå, og tverrfagleg arbeid
• Erfaring frå PPT, eventuelt vil praksis og erfaring frå barnehage og skule vera ein fordel
• Gode kommunikasjonsevner på norsk munnleg og skriftleg
• Gode samarbeidsevner
• Løysingfokusert
• Førarkort og tilgang på bil.

Arbeidsoppgåver som behandlande logoped

• Jobba direkte ut mot barn og vaksne som vert tilvist PP-tenesta for logopedoppfølging, til dømes taleflytvanskar, stamming, uttalevanskar og afasi.

Kvalifikasjonar

• Logoped – masterutdanning
• Relevant erfaring som logoped er ynskjeleg
• Evne til å jobba sjølvstendig
• Gode samarbeidsevner
• Løysingsfokusert
• Førarkort for bil. Det vert innvilga kompensasjon for køyrekostandar innanfor kommunen sine reglar.

Hjå Årdal kommune får du:

• Løn etter utdanning og erfaring jamfør hovudtariffavtalen
• Fleksitidsordning
• Eit arbeidsmiljø med trivelege og kompetente kollega
• Gode pensjons- og forsikringsordningar
• Tilgang på bedriftshytta på Skeikampen

Det er 6 månader prøvetid for nytilsette i Årdal kommune.