Vil du vere med å gje barn og unge ein trygg oppvekst?

Vi søkjer deg som vil vere med å bidra til trygge og inkluderande læringsmiljø og gode resultat i skulane i Bjørnafjorden kommune, der alle skal med. Vi kan tilby eit inspirerande og mangfaldig fagmiljø der vi arbeidar målretta for å skape trygge oppvekstvilkår, og der skuleutvikling står sentralt.

Satsingsområda våre er livsmeistring for alle, nærvær og fråvær, begynnaropplæring og LK20 (Læreplanverket for Kunnskapsløftet 2020).

Bjørnafjorden kommune med ca. 26.000 innbyggarar vil vere i sterk vekst i åra framover. Arbeidsstad Os barneskule ligg i sentrum av Os.

Skuleåret 2024–2025 har vi ca. 200 elevar og 30 tilsette med ulike kompetansar.

Satsingsområda våre tek utgangspunkt i ny læreplan (LK-20) og er knytte til grunnleggjande ferdigheiter i lesing, skriving og rekning – i tillegg til jamt og trutt arbeid å skape eit godt skule- og læringsmiljø – der elevane kjenner seg trygge, vert anerkjente og opplever meistring.

Tryggleik og trivsel er føresetnader for læring. Vi møter derfor kvart barn med respekt og omsorg og er gode rollemodellar for dei. Ros og oppmuntring er vi rause med. Saman med foreldra lagar vi gode rammer rundt barna. Visjonen vår er "Livsglede og lærelyst".

Les gjerne meir om skulen på nettsida: http://www.osbarn.gs.hl.no

Arbeidsoppgåver
Som miljøterapeut på Os barneskule skal du følgje opp elevar og elevgrupper med ulike utfordringar. Du skal samarbeide tett med lærarar og fagarbeidarar og bidra til å skape ein vi -kultur rundt arbeidet mot elevane og dei føresette.

Denne stillinga er tenkt både i skule og SFO. Stillinga er 89 % storleik, det vil sei at det er 37,5 timar arbeidsveke og fri i skulen sine ferier.

Kvalifikasjonar
Godkjent utdanning frå høgskule eller universitet. Vi ser for oss ein person med vernepleiarutdanning eller liknande. Utanlandsk utdanning må vere NOKUT-godkjent. Det vil seie at du må kunne vise til «godkjenning av utanlandsk høgare utdanning» I tråd med opplæringslova stiller vi krav om tilfredsstillande politiattest av den som får tilbod om stillinga.

Eigenskapar
Som miljøterapeut på Os barneskule må du like å skape gode relasjonar til elevane. Du møter alle barn med respekt og varme, og er ein trygg og raus person i møte med elevar som har ulike utfordringar. Vi søkjer deg som er leiken, robust og har kunnskap om og erfaring med traumebevisst omsorg.

Robuste fagarbeidarar med lang erfaring med traumebevisst omsorg kan også bli vurdert for stillinga.

Du må vere førebudd på ein hektisk arbeidskvardag med meiningsfylte arbeidsoppgåver. I skulen er læringa viktig, og i møte med elevane skal vi motivere til læring, både i tradisjonelle og meir alternative opplæringsarenaer.

Inkludering er viktig på Os barneskule, og alle barna skal tilhøyre fellesskapet.

Vi tilbyr
- Faglege og personlege utfordringar i eit godt og inspirerande arbeidsmiljø
- Gunstig pensjonsordning, yrkesskade- og gruppelivsforsikring
- Løn etter gjeldande avtalar
- Vi arbeider for å få etablert heiltidskultur i kommunen.

Søknadsfristen er 5. august og vi behandlar søknadene etter dette tidspunktet.

Etter søknadsfristen er gått ut, vil det bli generert ei offentleg søkarliste med namn, alder, stilling eller yrkestittel og bustads- eller arbeidskommune for kvar søkar. Det kan gjerast unntak frå innsyn for opplysningar om ein søkar dersom vedkomande sjølv ber om det. Opplysningar om ein søkar kan bli offentlege sjølv om ein har kryssa av for å bli unnateke. Dersom oppmodinga ikkje vert teke til følge, vil søkaren varslast om dette.

Vi vil aldri be søkar om å oppgi BANK-ID informasjon i søknadsprosessen.