Bistevaš virgi vuosttašamanueansan/vuosttašlektorin/allaskuvlalektorin servodatdiehtagis

Virggi sisdoallu

Bargodoaimmaide gullet servodatdiehtaga oahpahus, dutkan, bagadallan ja fágalaš ovdánahttin buot oahppodásiin, muhto vuosttažettiin boazoealáhusa bachelorprográmmaid ja plánet servodatfága bachelorprográmmaid.

Oahpahusovddasvástádussii gullá erenoamážit fáttát no go etihkka ja dieđateoriija buot oahpuin Sámi allaskuvllas.

Virggehas galgá aktiivvalaččat bargat dutkan- ja ovdánahttinbargguiguin (DOB). DOB-doaimmat mat čađahuvvojit fágabargi virgeresurssa siskkobealde, galget čuovvut Sámi allaskuvlla ja servodatdiehtagiid oahpuid strategiijaid.

Bargogeatnegasvuođa oassin sáhttá bargi oažžut ovddasvástádusa eará bargguid ovddas allaskuvlla doaimmaid siskkobealde. Dákkár barggut sáhttet leat ee. fágalaččat lágidit kurssaid ja konferánssaid, fierpmádatdoaimmat, leat mielde ovddideame ásahusa fágastrategalaččat ja eará barggut maid lagamus hoavda bidjá.

Virggi gullevašvuohta organisašuvnnas sáhttá rievdat organisašuvdnanuppástuhttimiid geažil.

Gelbbolašvuođagáibádusat

- virgái ohcat vuosttažettiin bargi geas lea doavttergráda servodatdiehtagis. Ohcciin geain lea mastergráda/váldofágas servodatdiehtagis sáhttet maiddái árvvoštallojuvvot virgái.

Jus unnimusat guovtti ohccis lea sullii ovttadássásaš gelbbolašvuohta, de vuoruhuvvo dat geas lea oahpahanhárjáneapmi etihkkasuorggis ja/dahje dieđateoriija suorggis.

- Dokumenterejuvvon pedagogalaš vuođđogelbbolašvuohta

- Virggis gáibiduvvo muđui viiddis ovttasbargo- ja geabbilvuođa attáldagat. Servodatdiehtaga oahpahus lea oassin fágaidrasttildeaddji oahpuin, ja attáldat ja beroštupmi fágarasttildeaddji doaimmaide deattuhuvvo.

- Virgái gáibiduvvo njálmmálaš ja čálalaš máhttu davvisámegielas ja ovtta skandinávalaš gielas. Lea ovdamunni jus máhttá eará sámegielaid ja eŋgelasgiella maid.

Gelbbolašvuođagáibádusat virgái, maid ohcci ferte deavdit, leat meroštallojuvvon láhkaásahusas forskrift 9.2.2006 nr. 129 om ansettelse og opprykk i undervisnings- og forskerstillinger § 1-4 (vuosttašamanueansa), § 1-5 (vuosttašlektor) ja § 1-6 (allaskuvlalektor).

Ohccit vuosttašamanueansavirggiide galget árvvoštallojuvvot das devdet go sii pedagogalaš vuođđogelbbolašvuođa gáibádusaid, muhto das ii galgga mearkkašupmi dasa leat go ohccit formálalaččat gelbbolaččat. Dalle go ohcci vuosttašamanueanssavirgái ii sáhte duođaštit pedagogalaš vuođđogelbbolašvuođa virgádeames, geatnegahtto ohcci deavdit gáibádusaid guovtti jagi siste virgádeami rájes.

Allaskuvlalektor ja vuosttašlektor ohccit geat eai deavdde pedagogalaš vuođđogelbbolašvuođa, Forskrift 9.2.2006 nr. 129 om ansettelse og opprykk i undervisnings- og forskerstillinger §§ 1-5- 1-7, sáhttet virgáduvvot gaskaboddosaččat golmma jahkái, vrd. Universitehta- ja allaskuvlalága § 6-5, dainna eavttuin ahte ohcci háhká gelbbolašvuođa dan áigodagas.

Eará

- Bargobáiki: Diehtosiida

- Dievdoolbmot ávžžuhuvvojit ohccát virgái universitehta- ja allaskuvlalága (ual.) § 6-3 (2) vuođul. Jus leat guokte dahje eambbo ohcci geain lea sullii ovttadássásaš gelbbolašvuohta, de vuoruhuvvo dievdoolmmoš ovddabeallai nissonolbmo, gč. ual. § 6-3 (3) gos boahtá ovdan ahte galgá deattuhit dásseárvvu virgáibidjamis.

Bálká

Virgi bálkáhuvvo Stáhta bálkáregulatiivva mielde. Bálká mearriduvvo ohcci oahpu ja bargohárjáneami vuođul čuovvovaš virgekodaid mielde:

-vuosttašamanueansa virgekoda 1011-bálká gaskal 646000-745000, bc. 66-74

-vuosttašlektor virgekoda 1198-bálká gaskal 615700-745000, bc. 63-74

-Allaskuvlalektor virgekoda 1008-bálká gaskal 540500-679000, bc. 55-69.

Formála lassigelbbolašvuohta sámegielas unnimustá 60 oahppočuoggá bachelordásis, addá 20 000,- lassibálkán vuođđobálkái vuosttašgeardde virgáibidjamis Sámi allaskuvllas.

Bálkkás gesso 2% geatnegahtton divat Stáda penšuvdnakássii.

Máŋggabealatvuohta ja searvadahttin

Sámi allaskuvla galgá nu bures go vejolaš speadjalastit álbmoga girjáivuođa ja mii ávžžuhit gelbbolaš kandidáhtaid ohcat virgái beroškeahttá sohkabealis, agis, doaibmannávccas dahje kultuvrralaš duogážis.

Jus leat gelbbolaš ohccit geat leat doaimmashehttejuvvon, leat guhkit áiggi leamaš eret bargoeallimis, dahje geain lea sisafárrejeaddjiduogáš, de bovdet unnimusat ovtta ohcci guđege joavkkus jearahallamii.

Ávžžuhit ohccit merket bargoportálas jus lea doaimmashehttejupmi, guhkit áiggi jávkan bargoeallimis, dahje lea sisafárrejeaddjiduogáš.

Mearkumat bargoohcciportálas hábmejit vuođu anonymiserejuvvon statistihkkii maid buot stáhtalaš ásahusat raporterejit iežaset jahkeraporttain.

Sámi allaskuvllas lea šiehtadus Ovttastahtti bargoeallima birra, ja deattuha bargodili láhčimis juohke mielbargái.

Oppalaččat

Virgáibidjan dahkko lágaid, šiehtadusaid ja njuolggadusaid ektui mat gustojit bargiide Norgga stáhtas ja allaskuvlasektoris.

Lea vejolaš ohcat ruovttokantuvrras beassat bargat, eanemusat 50% bargoáiggis.

Ohccit sáhttet gohččot bargojearahallamii ja doallat geahččalanlogaldallama.

Fárrendoarjja máksojuvvo stáhta njuolggadusaid mielde.

Finnmárkkus lea sierra ortnet geahpedit lohkanloana ja vearrogeahpádus. Fuomášuhttit ahte dieđut ohcciid birra sáhttet almmuhuvvot vaikko ohcci ieš lea bivdán čihkkot ohcciidlisttus. Ohcci oažžu dieđu dan birra ovdagihtii.

Virggis lea 6 mánu geahččalanáigi.

Mii fállat

*Virggi mas ovdánahttinvejolašvuođat, viiddis ja máŋggabealat fágabirrasis

* Ođđaáigásaš visttiid

*Máŋggabealat čálgofálaldagaid

*Heivehahtti bargoáiggi

* Buori bargobirrasa mas alla gelbbolaš bargit iešguđetge fágasurggiin

* Ealli sámegielbirrasa guovddáš sámi guovllus

Sámi allaskuvlla fágabargiid bargoresurssat juhkkojuvvojit oahpahandoaimmaid, dutkan- ja ovdánahttinbargguid ja hálddašanbargguid gaskka, ulbmilin joksat allaskuvlla fágalaš mihtuid ja alla fágalaš kvalitehta. Dutkan- ja ovdánahttin (DOB)- ja oahpahusáiggi viidodat čuovvu virgekategoriija ja juhkkojuvvo dábálaččat čuovvovaččat:

* Vuosttašamanueanssat: 45 % DOB-áigi ja 45% oahpahusáigi

* Vuosttašlektorat: 30 % DOB-áigi ja 60% oahpahusáigi

* Allaskuvlalektorat: 20 % DOB-áigi ja 70% oahpahusáigi

* 10% hálddašanáigi buot virgekategoriijain

Ohcan

Ohcan sáddejuvvo elektrovnnalaččat www.jobbnorge.no bokte, oktan daid dokumentašuvnnaiguin:

* CV

* Duođaštuvvon oahppu- ja bargoduođaštusat

* Ollislaš listu dieđalaš publikašuvnnain

* Relevánta publikašuvnnat

* Duođaštus pedagogalaš gelbbolašvuođas

* Eará relevántta duođaštusat, omd bargoduođaštusat jna.

* Bivdit du maiddái almmuhit guokte (2) referánssa

Jus lea váttisvuohta deavdit elektrovnnalaš CV:a, de sáhttá váldit oktavuođa Jobbnorge áššebálvalusain e-poasta: support@grade.no dahje riŋget: 75 54 22 20.

Oktavuođadieđut

Eanet dieđuid virggi birra oažžu veahkkegoahtejođiheaddjis Marit Kirsten Sara Triumf, epoasta: maritkst@samas.no, tlf. +47 7844 8494 dahje goahtejođiheaddjis Risten Ravna Länsman, epoasta: ristenl@samas.no, tlf. +47 7844 8550, mob. +47 951 39557