Kulturskulelærar

Solund kommune har tre ledige stillingar ved kulturskulen, frå 10% til 20%. Kulturskulen er ein del av oppvekst- og kultursektoren i kommunen, og har nært samarbeid med både barnehagen og skulen. I tillegg har ein også samarbeidsprosjekt med private aktørar, til dømes den årlege lysfestivalen i november. Verksemda i kulturskulen vert styrt av rammeplan for kulturskular.

Den eine stillinga inneber undervisning i ulike kunstformer for elevar i småskulen, og er ei 10%-stilling. Den andre stillinga er ei 10% undervisningsstilling i media og kommunikasjon, der elevane mellom anna arbeider med film og podkast. Elevane i denne gruppa er mellom 10 og 15 år. Den tredje stillinga er 20% og er undervisning i gaming for to grupper. Her er det sterkt fokus på lagånd og samarbeid. Alle tre stillingane har arbeidstid på ettermiddag, og det er mogleg å kombinere to eller alle tre stillingane. Vi har gode lokalitetar og moderne utstyr, så her er det mogleg å få bruke kreativiteten din!

Det er fint om du har utdanning innan kunst- eller kulturfag, men det er ikkje eit krav. Vi set også pris på om du har erfaring frå undervisning frå tidlegare. Uavhengig av utdanning og erfaring, er det viktig at du likar å vere med barn og unge, og at du har evne til å inspirere og engasjere. Innanfor rammeplanen til kulturskulen har du stor fridom til å legge opp undervisninga slik du og elevane ønskjer.

Vi tilbyr:

• Løn etter tariff
• Pensjonsordning i SPK
• Spanande arbeidsoppgåver
• Ansvar og sjølvstendig arbeidsforhold
• Høve til å vere med på å utvikle kulturskulen
• Høve til sjølvutvikling

Anna: Godkjent politiattest og utfylt MRSA-skjema skal leggjast fram ved tilsetjing

Tilsetjing elles i tråd med HTA. Løns- og arbeidsvilkår er i h.h.t. gjeldande lov, reglement og avtaleverk. Attestar og vitnemål må leggjast fram i samband med intervju.

Offentleg søkjarliste:
Vi gjer merksam på at søkjarliste med namn, kjønn, alder og noverande stilling i utgangspunktet er offentleg informasjon. Dersom det ikkje er særlege grunnar for å unnta offentleggjering vil søkjaren verte kontakta og få høve til å trekke søknaden sin før søkjarliste vert gjort offentleg.

Velkomen som søkjar!

Link til søknadsskjema: Søk her