100% fast stilling som pedagogisk leiar

Ved Svelgen oppvekst avdeling barnehage er det ledig ei 100 % fast stilling som pedagogisk leiar frå 28.09.24.

Svelgen oppvekst er eit oppvekstsenter med 2 barnehagar og ein barne- og ungdomsskule, og er den største driftseininga innan oppvekstsektoren i kommunen.

Svelgen barnehage har 4 avdelingar med born i alderen 2 – 6 år. Både barnehagane og skulen er i stadig utvikling medan vi held på den stødige og gode plattforma vi har bygd opp gjennom mange år. Barnehagane i kommunen har eit tett samarbeid med felles kommunale tiltaksmodellar innan PALS og Resultatleiing. Som satsingsområde vil vi halde fram med kompetanseutviklingsprosjektet, «Inkluderande barnehage- og skulemiljø.» Psykisk helse, mangfald og samarbeid med heimen er hovudtema i satsinga.

Arbeidsoppgåver

• Arbeide målretta i høve til barnehagen sitt pedagogiske arbeid og satsingsområde, i samarbeid med resten av personalet, foreldre og andre samarbeidspartar
• Bidra til eit trygt og godt leike,- lærings- og arbeidsmiljø for barn og tilsette
• I samarbeid med fagleiar ha eit ansvar for oppfølging og leiing av fag, enkeltbarn, barnegrupper og foreldresamarbeid
• Bidra til eit godt samarbeid på oppvekstsenteret, og på tvers av andre tenester
• Ha fokus på fagleg utvikling, rettleiing og dokumentasjon
• Bidra til kompetanseheving og nytenking i barnehagen

Kvalifikasjonar

• Godkjend barnehage-/ førskulelærarutdanning
• God skriftleg og munnleg framstillingsevne
• Gode norsk-kunnskapar

Andre med kompetanse og erfaring med arbeid med barn og unge oppmodast òg om å søkje.

Personlege eigenskapar

• Du er ein trygg, tydeleg og omsorgsfull vaksen, med god relasjonskompetanse
• Du har eit genuint ønskje om å jobbe med barn, og har kunnskap om barn si utvikling
• Du er raus og anerkjennande ovanfor barn og vaksne, og har gode samarbeids- og kommunikasjonsferdigheiter
• Du er sjølvstendig, har evne til å ta ansvar, leie og motivere medarbeidarane dine
• Du er fleksibel og løysingsorientert og trivast i ein aktiv kvardag
• Du trivast med å vere ute i all slags ver heile året, og bruke uterommet i det pedagogiske arbeidet

Vi tilbyr

• Eit godt arbeidsmiljø der du vil møte gode kollegaer med godt humør og stå på vilje
• God pensjon og gode lånevilkår gjennom medlemskap i Statens Pensjonskasse. SPK.no - Statens pensjonskasse for undervisningspersonale og KLP.no - Kommunal Landspensjon for andre. Ordningane ein får tilgang på kan bety mykje gjennom livsløpet.
• Gode personforsikringar i arbeid og fritid
• Gode moglegheiter for vidareutdanning, fagleg og personleg utvikling. Etter nærare avtale kan etter- og vidareutdanning gjennomførast med kompensasjon frå arbeidsgjevar
• Senioravtale for tilsette over 62 år. Undervisningspersonale får 100 % løn med 80 % arbeidstid. Andre tilsette får 2 ekstra veker fritid, dvs totalt 8 veker ferie og fritid!
• Mentorordning for nyutdanna undervisningspersonalet, god opplæring og oppfølging til nytilsette
• Hjelp til å finne bustad og barnehageplass
• Gratis barnehage frå 01.08.24. Løpande barnehageopptak gjennom året!
• Gratis 12 timar SFO i veka for 1-3 klasse
• Sjå ledige bustadtomtar i kommunen
• Tilskot til bustadbygging Tilskotet er sett til kr 200 000 for bustadhus og kr 50 000 for kjøp av nybygt bustad i fleirbustadbygg

Ring oss gjerne for en prat, så fortel vi meir!

Kontaktinformasjon

Sindre Myklebust Fjeld, Driftssjef Svelgen oppvekst, +47 46806321

Arbeidsstad

Gunnar Scheldrups veg 31

6723 Svelgen

Nøkkelinformasjon:

Arbeidsgivar: Bremanger kommune



Referansenr.: 4835436486

Stillingsprosent: 100%

Fast

Søknadsfrist: 04.08.2024