Helsesjukepleiar, 100% prosjektstilling

Om stillinga

Gulen kommune lyser ut ei 100% prosjektstilling som helsesjukepleiar med oppstart frå snarast/etter avtale. Prosjektperiode eitt år, med moglegheit for forlenging. Stillinga er delvis finansiert av tilskotsmidlar, og har base i Eivindvik. Gulen helsesenter, beståande av helsestasjon og legekontor, husar både helsesjukepleiarar, legar, koordinator og helsesekretærar. Helsestasjonen har i tillegg to utekontor, samt skulehelseteneste ved alle fire skulane. Det er tre helsesjukepleiarar i fulle stillingar i tenesta i dag.

Sjekk ut denne annonsen og søk då vel!

Arbeidsoppgåver

• Arbeid i helsestasjon og skulehelsetenesta i tråd med nasjonalfaglege retningslinjer, lovverk og anbefalt program
• Helseundersøkingar/-kartlegging med oppfølgingsarbeid
• Vaksinasjon
• Førebyggjande helsearbeid individuelt og i gruppe
• Arbeid tilknytt flyktningar/familieoppfølging
• Psykososialt arbeid - sikre god integrering
• Rådgjeving og rettleiing
• Drive opplysingsarbeid og undervising
• Tverrfagleg samarbeid, herunder IP-koordinator
• Planlegge og organisere tiltak i samarbeid med andre faggrupper og etatar
• Ordinære helsestasjonsoppgåver
• Andre oppgåver kan kome til

Arbeidsoppgåver kan verte fordelt i tenesta etter kompetanse, erfaring og behov.

Noko ettermiddag- og kveldarbeid må reknast med.

Kvalifikasjonar

• Offentleg godkjent helsesjukepleiar med norsk autorisasjon. Helsesjukepleiarstudentar og sjukepleiar med relevant videreutdanning og/eller erfaring kan vurderast.
• Ynskjeleg med kunnskap og erfaring frå helsestasjonsarbeid
• Gode evner til kommunikasjon og relasjonsbygging
• Ynskjeleg med erfaring og interesse for foreldrerettleiing, til dømes ICDP
• Gode norskkunnskapar, både skriftleg og munnleg
• Gode datakunnskapar
• Sertifikat klasse B

Personlege eigenskapar

Vi ynskjer at du:

• Har gode samarbeidsevner og likar å jobbe i tverrfaglege team, samstundes kan arbeide sjølvstendig
• Har evne til fleksibilitet og til å kunne bidra til gode løysingar
• Er engasjert, tydeleg og trygg
• Er strukturert og løysingsorientert
• Har evne til å skape tillit, jobbe med endring og vere nyskapande
• Personleg eignaheit vert vektlagt ved tilsetjing

Anna

• Tenestespråket i Gulen kommune er nynorsk.
• Tilsetjing etter gjeldande lover, føresegner og avtalar.
• For tilsetjing innan pleie og omsorg, Miljøtenesta, i skule og i barnehage, vert det stilt krav om politiattest. Det vert krevd utfyllande politiattest for tilsetjing innan barnevern. Det er også krav om negativ MRSA/TBC før oppstart.
• Vi gjer merksam på at søkjarlister med namn, kjønn, alder og noverande stilling er offentleg informasjon. Dersom søkjarar likevel ber om konfidensiell handsaming, og grunnen for å unnta offentleggjering ikkje vert godkjent, får søkjaren høve til å trekke søknaden sin før offentleggjering.

Me tilbyr

• Spanande og varierte oppgåver i eit engasjert fagmiljø
• Godt arbeidsmiljø. Høve til kreativitet og nytenking
• Løn etter tariff
• Gode forsikrings- og pensjonsordningar