Faste LIS-stillingar ved Augeavdelinga

Helse Bergen, Haukeland universitetssjukehus har 3 faste stillingar ledige for
lege i spesialisering i augesjukdomar frå hausten 2024.

I tillegg vil vi ha eitt årsvikariat ledig for LIS fom 1. oktober 2024

Augeavdelinga er ei spesialavdeling ved Haukeland universitetssjukehus. Avdelinga er knytta til Universitetet i Bergen, og forsking og utviklingarbeid står sentralt i vår verksemd. Avdelinga har stor breidde i si verksemd og vi greier ut og behandlar alle kategoriar augelidingar. Avdelinga har sengepost i Klinikk for Hovud/ Hals, dagkirurgisk og poliklinisk eining og operasjonsavdeling. Sengeposten har 6 døgnplassar. Her er både elektive innleggingar og ØH innleggingar.

For fast tilsetting gjeld følgande: Vi tilbyr spesialistutdanning som dekker heile utdanningsløpet i augesjukdomar. Det vises for øvrig til utdanningsplan. Etter fullført spesialisering, vil stillinga bli omgjort til stilling som legespesialist. Spesialistutdanninga vil gå føre seg i Augeavdelinga ved Haukeland universitetssjukehus.

For vikariat gjeld følgande: Vikariatet kan tene som del av spesialistutdanninga.

Ved rekruttering og tilsetjing, vil vi tenkje langsiktig med omsyn til å skape ei fagleg og robust Augeavdeling for framtida.

Arbeidsoppgåver

• Dei som blir tilsett vil gå inn i 10-delt primærvakt
• Ein vil rotere mellom dei ulike seksjonane i avdelinga kvar 6. månad (7 ulike seksjonar) for å få dekt alle områda innan augefaget
• Det vil vere ein kombinasjon av arbeid med inneliggjande og polikliniske pasientar
• Vedkomande må ta del i undervising av legestudentar og anna helsepersonell

Kvalifikasjonar

• Den som blir tilsett som LIS må ha norsk autorisasjon og godkjend turnusteneste/LIS 1 eller teneste som etter gjeldande norsk regelverk kan leggjast til grunn for tilsetjing i LIS-stilling i augesjukdomar
• Gode kunnskapar i norsk munnleg og skriftleg (nivå svarande til Bergenstesten)
• God skriftleg dokumentasjonsevne
• Då Augeavdelinga er ei hektisk avdeling, vil vi leggje vekt på opparbeidd kompetanse og interesse for augefaget
• Augeavdelinga er kjend for sitt gode, kollegiale miljø, og det er viktig at dei som blir tilsett og vil bidra til å halde dette ved like

Personlege eigenskapar

• Vi vil leggje vekt på personlege eigenskapar som det å vere ansvarsbevisst, samarbeidsvillig og fleksibel
• Gode kommunikasjonsevner, og evner til å arbeide systematisk og effektivt i ein hektisk kvardag
• Vere ein god teamarbeidar
• Ha klare tanker om framtidig subspesialisering, og interesser innan glaukom, nevrooftalmologi, uveitt og/eller orbitale lidinger blir øretrekt
• Bidra aktivt til det gode arbeidsmiljøet
• Forskingsinteresse

Vi tilbyr

• Teneste i ei høgspesialisert augeavdeling med gode moglegheiter til brei kompetansebygging og fullstendig LIS-løp i spesialiseringa
• Den som blir tilsett, vil få ein personleg rettleiar, og delta i avdelinga sitt regulære utdanningsprogram
• Lønn i samsvar med gjeldande overeinskomst
• God forsikrings- og pensjonsordning
• Gode kollegaer

Mangfaldserklæring
Føretaksgruppa i Helse Vest ønskjer å spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder, funksjonshemming og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.

Kontaktinformasjon

Frank Tore Jenssen, Avdelingsoverlege, +47 55974124

Arbeidsstad

Jonas Lies vei 72C

5053 Bergen

Nøkkelinformasjon:

Arbeidsgivar: Helse Bergen



Referansenr.: 4836416065

Stillingsprosent: 100%

Fast, Vikariat

Søknadsfrist: 11.08.2024