Bioingeniør

Bli vår nye bioingeniør!

Laboratoriet Odda, Helse Fonna HF

Har du lyst å jobbe saman med ein kjekk gjeng i eit godt arbeidsmiljø?
Då må du søkje på stilling hos oss ved Laboratoriet Odda! Vi er ein del av Avdeling for Laboratoriemedisin i Helse Fonna og er lokalisert ved Odda sjukehus.

Odda sjukehus er eit akuttsjukehus, noko som gir ein spanande og variert kvardag. Laboratoriet er døgnbemanna og stillinga inngår i vaktordninga med arbeid kvar 4-5 helg. Laboratoriet har fagområda preanalyse og prøvetaking, blodbank, medisinsk biokjemi og mikrobiologi. Det er stor variasjon i arbeidsoppgåver og du vil rullere mellom dei ulike fagområda.

Odda ligg i Sørfjorden i Hardanger og er kjent som eit av dei vakraste områda i Noreg. Du finn fotturar i alle kategoriar - Trolltunga er berre eitt eksempel på kva Odda sin natur kan tilby. For den som ønskjer andre utfordringar finn du blant anna; brevandring, kajakk, sykkelturar, fruktgårdar, museum og natursenter. Odda har også ulike kulturarrangement som siderfestival, blueshelg og litteratursymposium.

Høyres dette ut som noko for deg, send inn ein søknad!

• Analysearbeid innan generell kjemi, hematologi, koagulasjon og blodtypeserologi
• Blodprøvetaking
• Tapping av blod
• Enkle mikrobiologiske analysar
• Delta i vaktordning

• Norsk autorisasjon som bioingeniør
• Beherske norsk skriftleg og munnleg

Hos oss er det viktig at du er:

• er sjølvstendig og ansvarsbevisst
• har gode kommunikasjons- og samarbeidsevner
• er fleksibel og serviceinnstilt
• bidrar til eit godt arbeidsmiljø
• er nøyaktig og kan jobbe effektivt og systematisk

• Faglege utfordringar og høgt fagleg nivå
• Interessante og varierte arbeidsoppgåver
• Godt arbeidsmiljø og engasjerte medarbeidarar
• Løn i samsvar med gjeldande overeinskomst
• Gode pensjons- og forsikringsordningar
• Veiledning med å finne bustad

Mangfaldserklæring
Helse Fonna ønskjer å spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder, funksjonsevne og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Helse Fonna ønskjer å leggje til rette for inkluderande rekruttering.

For mer informasjon og for å søke på stillingen klikk på "Søk på stilling" knappen på denne siden.