Gaular i Sunnfjord kommune har ledig stilling som

Sunnfjord kommune har 22 500 innbyggarar, og ligg i Vestland fylke. Sande, den største tettstaden i området Gaular, ligg sentralt i kommunen, like ved E39 ca. 20 min i bil frå kommunesenteret Førde.

Gaular har ein relativt kompakt geografi. Frå Sande er avstandane til dei ytste gardane/bygdene som følgjer:

• Laukeland ca. 25 km
• Bjørvikstranda ca. 18 km
• Dregebø ca. 12 km
• Mjell ca. 34 km
• Vikum ca. 35 km
• Langeland ca. 11 km

Det er tre andre veterinærar tilsett i Sunnfjord kommune (Naustdal, Førde og Jølster). I tillegg er det 4 veterinærar ved EMPET sin smådyrklinikk i Førde og ein sjølvstendig veterinær som deltek i dagpraksisar og vakt.

Omtale av stillinga:

• 20 % stilling i Sunnfjord kommune.
• Deltaking i vaktordning for vaktdistriktet Førde-Gaular-Jølster. Forplikta til 3-delt vakt, saman med 6 andre veterinærar.
• Sjølvstendig dagpraksis som veterinær og semin-ansvarleg for Gaular.
• Høve til avlasting i dagpraksis (via veterinær Irene Nergård).
• Viss ønskeleg: mentorordning/rettleiing via dagens veterinærar i vaktdistriktet Førde-Gaular-Jølster.

I dagpraksis vil du ha ansvar for veterinær- og semintenester til 113 bønder i Gaular. Av desse er 36 mjølkeprodusentar. I tillegg nokre hesteeigarar. Per i dag er husdyrtala i Gaular som følgjer:

• 855 mjølkekyr
• 2072 andre storfe/ammekyr
• 141 geiter
• 3370 sauer
• 45 hestar

Søkar må ha:

• utdanning som veterinær
• kompetanse på stordyr
• førarkort for bil (klasse B) og disponere eigen bil
• eige veterinærutstyr (i ein oppstartsperiode kan vi eventuelt ordne med lån av utstyr)

Søkar bør ha:

• semin-utdanning ( dersom ein ikkje har det vil det vere krav om å gjennomfør semin-kurs ved fyrste høve)
• smådyrkompetanse (i samband med deltaking i vaktordning)
• gode norsk kunnsskapar munnleg og skriftleg (helst nynorsk)
• kunnskap om vaktområde Førde, Gaular, Jølster

Du søkjer elektronisk. Velkommen som søkar!