Psykologspesialist/psykolog 

LES MEIR HER: BLI PSYKOLOG HOS OSS

Allmennpsykiatrisk poliklinikk og tverrfagleg behandlarteam i FACT Folgefonn DPS på Valen har ledig fast stilling for psykologspesialist eller psykolog i spesialisering.

Folgefonn DPS har ansvar for dei allmennpsykiatriske spesialisthelsetenestene i kommunane Kvinnherad og Ullensvang med eit samla befolkningsgrunnlag på ca. 20 000 vaksne innbyggjarar. Teamet vårt på Valen er tverrfagleg lokalt forankra med psykologspesialist, psykiater, spesialsjukepleiar, ruskonsulent og fysioterapeut.
Folgefonn DPS har i tillegg Treningspoliklinikk, TSB poliklinikk og døgnpost med 12 døgnplassar på Valen og har godkjenning for tvunge psykisk helsevern. Gruppepoliklinikken har tilbod om musikkterapi, medieyoga, hesteassistert terapi og ulike mestringskurs. Det er mogeleg og ønskjeleg med deltaking i utvikling av nye gruppebaserte behandlingstilbod.

Det er gode samarbeidstilhøve med døgnavdeling, ambulant eining og kommunehelsetenesta med sikte på å tilby eit heilskapleg behandlingstilbod.

Arbeidsoppgåver

• Utgreiing, diagnostisering og behandling av allmennpsykiatriske- , psykose- eller rus lidingar
• Rettleiing av samarbeidande personell internt og i kommunehelsetenesta
• Deltaking i fagleg utviklingsarbeid og mogeleg med forskingsprosjekt.
• Mogeleg med deltaking i utvikling av gruppepolikliniske tilbod om ønskjeleg

Kvalifikasjonar

• Psykologspesialist eller psykolog med norsk autorisasjon
• Relevant erfaring og praksis
• Gode språkkunnskapar er heilt avgjerande for forsvarleg pasientbehandling. Ikkje-nordiske statsborgarar må minimum ha bestått Bergenstesten eller anna norsktest på B2-nivå. Dokumentasjon må leggjast ved søknad

Personlege eigenskapar

• Personlege eigenskapar som å arbeide sjølvstendig og i team, blir vektlagt
• Gode kommunikasjons- og samarbeidevner

Vi tilbyr

• Lønn etter gjeldande avtale mellom NPF og Helse Fonna HF.
• Gode løns- og arbeidsvilkår. Fleksibel arbeidstid om ønskjeleg.
• Vi kan hjelpe til med å skaffe overgangsbustad og evt. flytteutgifter kan dekkast etter gjeldande retningsliner.
• Gode moglegheiter for spesialisering og vidareutdanning, og moglegheit for å delta i forskningsprosjekt.
• Helse Fonna HF legg til rette for heile spesialiseringsløpet.
  
• Psykologspesialistar har avtalefesta fordjupningspermisjon 4 mnd. pr. 5 år.

Mangfaldserklæring
Føretaksgruppa i Helse Vest ønskjer å spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder, funksjonsevne og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.

Kontaktinformasjon

Dag Gunnar Milje, Poliklinikkleiar, 53 46 65 91, dag.gunnar.milje@helse-fonna-no

Hege Lægreid Røssland, Avdelingsleiar, +47 53 46 64 12, hege.laegreid.rossland@helse-fonna.no

Arbeidsstad

Sjukehusvegen 1

5750 Odda

Nøkkelinformasjon:

Arbeidsgivar: Helse Fonna HF



Referansenr.: 4835601012

Stillingsprosent: 100%

Fast

Startdato: 04.11.2024

Søknadsfrist: 15.08.2024