Leiar - Pedagogisk-psykologisk teneste - 100 % fast

Brenn du for eit inkluderande og utviklande fellesskap for barn og unge?

Tokke, Fyresdal og Vinje kommunar skal i gang med skiping av eit nytt vertskommunesamarbeid for pedagogisk-psykologisk teneste (PPT), og søkjer ein engasjert leiar som er klar for ei spennande utfordring.

I tråd med oppvekstreforma og eit auka fokus på tverrfagleg samarbeid i kommunal sektor, satsar me på å byggje eit sterkt lag rundt barnet. PP-tenesta vil vera ein sentral del av eit breitt og samansett fagmiljø, på tvers av verksemder og profesjonar. Me har eit stort fokus på førebygging og tidleg innsats, og me ynskjer å ha ei PP-teneste som er tett på, og som er synlege og til stades i barnehagar og skular.

Vinje kommune er vertskommune og tenesta vil bli organisert under kommunalområdet for oppvekst. Stillinga rapporterer til assisterande kommunedirektør, som er oppvekstansvarleg i Vinje kommune.

Me kan tilby deg ei nyoppretta, spennande og variert leiarstilling. Du vil møte dyktige og hyggelege medarbeidarar, i eit breitt fagmiljø på tvers av tenester og verksemder. Me tilbyr stor grad av sjølvstende og påverknadsmoglegheit. Relasjonskapasitet og samskaping er berebjelkar i vår organisasjon.

Arbeidsoppgåver

Som leiar for PP-tenesta vil du vera heilt sentral for samarbeidet i eit område som er under oppbygging. Du vil få ansvar for utvikling og leiing av den kommunale PP-tenesta, og etablering av gode samarbeid internt og eksternt. Stillinga vil innebera fagleg, økonomisk og administrativ leiing, og personalansvar.

Du vil delta i utforminga av gode tenester i samarbeid med barnehagar, skular og andre gode samarbeidsaktørar i laget rundt barnet, og dessutan styrkje arbeidet med tilpassa opplæring. Stillinga kan også inkludere noko fagleg arbeid.

Kvalifikasjonar

• Du har relevant utdanning innan det pedagogiske fagfeltet, og har relevant leiarutdanning eller leiarerfaring, gjerne med bakgrunn og erfaring frå arbeid i skule/barnehage.
• Du er ein fagperson som har eit reflektert forhold til PP-tenesta sitt oppdrag som rettleiar på system- og individnivå.
• Du har evne og vilje til å utvikle PP-tenesta på kort og lang sikt, i tråd med lokale og nasjonale planar.
• Du har forståing for kommunal forvaltning.
  

Personlege eigenskapar

• Du er ein person som har blikk for barn og unge, og dei utviklingsmoglegheitene som finst i dei enkelte skulane og barnehagane.
• Du har gode samarbeidsevner, er fleksibel og har evne til å ta initiativ.
• Du er løysingsorientert og beslutningsdyktig, og har god gjennomføringskraft.
• Du likar utfordringar, og er motivert for å vera med på eit nybrotsarbeid, både organisatorisk og metodisk.
• Du har erfaring med planlegging og gjennomføring av endrings- og utviklingsarbeid, og evnar å justere kursen når det er nødvendig.
• Du er fagleg nysgjerrig og ynskjer å vera med på å utvikle inkluderande barnehage- og skulemiljø, med fokus på førebygging og tilrettelegging for barn og grupper med ulike behov.

Det vil bli lagt stor vekt på personlege eigenskapar.

Me tilbyr

• Spennande og utfordrande arbeidsoppgåver, der du vil utgjera ein forskjell for barn og unge i Tokke, Fyresdal og Vinje kommunar
• Eit arbeidsmiljø med fokus på personleg og fagleg utvikling
• Moglegheit for vidareutdanning
• Godt tverrfagleg samarbeid
• Stor grad av sjølvstende og påverknadsmogelegheit
• Gode pensjonsordningar
• Løn for stillinga er mellom 840 000 og 880 000 kr per år i 100 % stilling, avhengig av kompetanse og erfaring
• Me kan hjelpe til med å finne bustad

I Vinje kommune er det offisielle styringsmålet nynorsk. Alle tilsette pliktar å nytte nynorsk skriftspråk i tenesta.
I samsvar med offentleglova § 25 kan namn på søkjarane offentleggjerast.

Kontaktinformasjon

Anders Sandvik, Kommunalsjef oppvekst, 95407593, anders.sandvik@vinje.kommune.no

Arbeidsstad

Vinjevegen 192

3890 VINJE

Nøkkelinformasjon:

Arbeidsgivar: Vinje kommune



Referansenr.: 4837179021

Søknadsfrist: 15.08.2024