Førebyggjande heimebesøk i 100% stilling
- Arbeidsgiver
- Kvinnherad kommune Aktivitet og rehabilitering
- Frist
- 18.08.2024
- Ansettelsesform
- Fast
Beskrivelse
Førebyggjande heimebesøk 100 % fast stilling
Kvinnherad kommune søkjer etter medarbeidar i 100% fast stilling til førebyggjande heimebesøk. Stillinga er plassert i sektor Omsorg, helse og sosial i eining Aktivitet og rehabilitering. Eininga har ansvar mellom anna for friskliv, lærings- og meistringsoppgåver, lågterskel dagaktivitetstilbod, støttekontaktteneste, musikkterapi, ergo- og fysioterapi, hjelpemiddellager og varmebasseng.
Førebyggjande heimebesøk er ei uoppfordra og oppsøkjande råd og rettleiingsteneste til heimebuande eldre med føremål å oppretthalde funksjonsevne, helse og livskvalitet. Vanlege tema er tryggleik i heimen, bustad, interesser/aktivitetar, fysisk og psykisk helse, sosialt nettverk, ernæring, medikamentbruk og anna som er viktig for den enkelte. Fagleg skjønn hjå den tilsette vil vere avgjerande for å identifisere både ressursar og hjelpebehov.
Arbeidsoppgåver
· Utvikle og drifte tenesta førebyggjande heimebesøk. I dette ligg mellom anna å gjere tilbodet kjent, utvikle informasjonsmateriell, opprette aktuelle samarbeidsarena, gjennomføre heimebesøk, dokumentasjon og evaluering.
· Planlegging og gjennomføring av relevante tilbod til målgruppa slik som oppstart og oppfølging av sjølvhjelpsgrupper, treningsgrupper, kurs og liknande.
· Samarbeid med Frisklivskoordinator om relevante oppgåver knytt til friskliv, læring og meistring
· Samarbeid internt i eininga, på tvers i organisasjonen og med eksterne
Kvalifikasjonar
- Relevant helse- eller sosialfagleg utdanning på universitet- eller høgskulenivå, til dømes ergoterapeut, fysioterapeut, sjukepleiar.
- Kunnskap om helsefremjande og førebyggjande arbeid for eldre, gerontologi og geriatri
- Erfaringskompetanse frå arbeid med eldre
- Kompetanse på og erfaring med endringsfokusert rådgjeving, til dømes motiverande intervju
- God kjennskap til aktuelle tilbod og tenester i kommunen av både frivillig, kommunal og kommersiell art
- God digital kompetanse
- God skriftleg og munnleg framstillingsevne på norsk
- Førarkort for bil klasse B og disponering av eigen bil
- Personlege eigenskaper for stillinga vil bli vektlagt
Link til søknadsskjema: Søk her
- Sektor
- Offentlig
- Sted
- Rosendalsvegen 10, 5470 Rosendal
- Stillingsfunksjon
- Helsepersonell, Koordinering, Kontor og administrasjon
- FINN-kode
- 361561202
- Sist endret
- 17. juli 2024 01:23