Er du vernepleiar, sjukepleiar eller med anna relevant høgare utdanning? Då treng brukarane våre deg. Bli med og styrk v

Miljøterapitenesta gir tenester til heimebuande, tenester til avlastning, dagtilbod og pårørandestøtte. Me har eit aukande behov i tenestene, og treng derfor fleire tilsette inn i våre avdelingar. Me har fokus på individuelt tilrettelagte tenester med vekt på meistring, sjølvbestemming og god livskvalitet.

Me har ledige stillingar som miljøterapeut / vernepleiar / sjukepleiar.

Me søkjer deg som har faglege kunnskapar om utviklingshemming, psykisk helse, målretta miljøarbeid og utfordrande åtferd, og som er dyktig til å bygge relasjonar. Interesse for, og kunnskap om psykisk helse og lett/moderat utviklingshemming er spesielt viktig på denne avdelinga. Du er ein aktiv bidragsytar til kunnskapsbasert praksis og utvikle eigen arbeidsplass.

Er du nyutdanna eller har du liten erfaring, er du velkomen til å søkje - me tek godt i mot nytilsette - her hjå oss får du god opplæring og rettleiing.

Arbeidsoppgåver er mellom anna:

• å gje heilskapleg og individuell helse og omsorgstenester gjennom tett tverrfagleg samarbeid
• god oppfølging av samarbeid mellom brukarar og pårørande
• å sikre og ivareta god brukarmedverknad
• å ha fokus på bebuarane sine ressursar, meistring og god livskvalitet
• målretta miljøarbeid og følgje med på aktivitetar
• å sette seg inn i og følgje opp tiltak og prosedyrar i tråd med gjeldane lovverk og rettleiarar
• å sikre faglege og etisk forsvarlege tenester
• å vere ein aktiv pådrivar for å skape godt fagmiljø
• å rettleie studentar, elevar og medarbeidarar

Det som kjenneteiknar deg er at du:

• har brukarfokus
• er raus, fleksibel, samarbeidsvillig og har evne til nytetenking
• prioriterer høgt verdiar som respekt, lojalitet og etikk
• har gode samarbeids- og kommunikasjonsevner
• likar å jobbe sjølvstendig jobbe så vel som i team
• kan være i fysisk aktivitet
• har evne til å ta imot rettleiing

Det er ønskjeleg at du har:

• norsk autorisasjon som vernepleier/sjukepleiar. Andre med 3- årig relevant høgskuleutdanning vil også bli vurdert
• gode norskkunnskapar (minimum B2-nivå) og datakunnskapar
• førarkort klasse B
• kunnskap om gjeldende lov- og avtaleverk
• kjennskap til diagnoser og miljøterapeutiske tiltak
• erfaring med å gi tjenester til mennesker med psykisk utviklingshemming og psykiske lidelser

Me tilbyr:

• fagleg spennande og varierte oppgåver med positive og trivelege kollegaer i et godt arbeidsmiljø
• todelt turnus, dag/kveld og arbeid kvar 3.helg. Det blir i dag lagt til rette ulike turnusordningar med vaktlengder frå 8 t til 14 t.
• forhandlingsturnus som gir høve til individuell tilpassa turnus
• fadderordning for nytilsette
• høve til fagleg og personleg utvikling
• hjelp til å skaffe bustad
• lønn og arbeidsvilkår i samsvar til lov og avtaleverk, pensjonsordning i KLP
• rekruttere og behalde tillegg

Søknad og politiattest:

• vitnemål og attestar legg du inn saman med søknaden
• den som vert tilsett må legge fram politiattest ikkje eldre enn tre månadar
• intervju og tilsetjing kan skje fortløpande i søknadsperioden
• kommunen følgjer offentleglova § 25 ved eventuell offentleggjering av søkjarlista

Flytte til Ål?

Drøymer du om å flytte til ei vakker fjellbygd? Ynskjer du deg eit godt kultur- og idrettstilbod, spennande jobbmoglegheiter og eit trygt oppvekstmiljø? Då er du velkomen til Ål!

Flytt til Ål! - Ål kommune

Ta gjerne kontakt med oss om du har spørsmål til stillinga.

Velkomen som søkjar!