Hei sjukepleiar! Barstadtun vil gjerne ha deg med på laget!

Barstadtun omsorgsbustadar har eit ledig vikariat for ein autorisert sjukepleiar i perioden 01.09.24 - 31.12.25. Barstadtun er ein døgnbemanna omsorgsbustad med 25 hyblar/leilegheiter fordelt på tre buenheiter. Denne seksjonen er ein del av Avdeling Heimetenester. Personalet ved Barstadtun er stasjonert på huset for å sikre tryggleik og kontinuitet for bebuarane. Stillinga har todelt turnus med dagvakter i vekedagane og nokre få kveldsvakter knytt til arbeidshelg. For tida er det tre kveldsvakter i turnusen over ein periode på seks veker. På nokre av dagvaktene går ein på topp av den ordinære bemanninga og har sjukepleiaransvar for heile huset, i samarbeid med sjukepleiarar frå Fjordsyn omsorgsbustadar

Arbeidsoppgåver

• Delta i planlegging og gjennomføring av heilheitleg pleie og oppfølging av bebuarane
• Primærsjukepleieansvar for ei gruppe bebuarar
• Sjå til at bebuarane har ajourført tiltaksplan i pasientjournal
• Medverke til at bebuarane får naudsynt medisinsk undersøking og behandling i samarbeid med fastlege og andre samarbeidspartar
• Ansvar for å rettleie og undervise anna personell og praksiskandidatar
• Bidra aktivt til eit helsefremjande arbeidsmiljø
• Bidra til å kvalitetssikre tenestene
• Samarbeid om sjukepleiaroppgåver på tvers av seksjonar

Kvalifikasjonar

• Autorisasjon som sjukepleiar
• Gode norskkunnskapar både munnleg og skriftleg. (Tilsvarande norsktest nivå B2 for søkjarar som ikkje har skandinavisk morsmål)
• Må kunne fremlegge tilfredsstillande politiattest og eigenerklæringsskjema i høve tuberkulose før oppstart i stillinga

Personlege eigenskapar

• Relevant erfaring og personleg eignaheit vil verte vektlagt i tilsetjinga
• Du er ein engasjert person som kan jobbe sjølvstendig og er trygg på eigne avgjerder
• Du fungerer godt i teamarbeid og har evna til å delegere arbeidsoppgåver
• Du må like å jobbe i relasjon med menneske og er opptatt av aktiv omsorg
• Du har fagleg fokus, er ansvarsbevisst og løysingsfokusert
• Du er fleksibel og liker utfordringar

Vi tilbyr

• Sjukepleiarforum/samarbeid med sjukepleiargruppa på Fjordsyn
• Tilgong på elæringskurs frå Visma/ Veilederen og NHI
• Gode moglegheiter for kompetanseheving
• Gode forsikrings- og pensjonsordningar
• Spanande arbeidsoppgåver og utfordringar
• Tverrfagleg samarbeid
  
• Eit triveleg arbeidsmiljø saman med ein fin og inkluderande gjeng!
• Stillingskode 7174 Sjukepleiar
• Løn etter tariff

Kontaktinformasjon

Anita Kristiansen, Avdelingsleiar heimetenester, +47 94 14 25 15, anita.kristiansen@volda.kommune.no

Arbeidsstad

Barstadmarka 4

6102 Volda

Nøkkelinformasjon:

Arbeidsgivar: Volda kommune



Referansenr.: 4839867417

Stillingsprosent: 100%

Vikar

Startdato: 01.09.2024

Sluttdato: 31.12.2025

Søknadsfrist: 18.08.2024