Gynekologisk eining søkjer sjukepleiar
- Arbeidsgiver
- Gynekologisk eining Haugesund sjukehus
- Stillingstittel
- Sjukepleiar
- Frist
- 25.08.2024
- Ansettelsesform
- Vikariat
Beskrivelse
Hos oss jobbar allereie mange dyktige, rause og hyggjelege kollegaer, og no treng vi deg på laget.
Eininga omfattar ein sengepost med fem gynekologiske senger og ein gynekologisk poliklinikk. Stillinga inneber ein tredelt turnus på sengeposten og dagvakter på poliklinikken. Som sjukepleiar ved gynekologisk eining får du ei variert arbeidskvardag i ei til tider travel, men triveleg avdeling. Pasientgruppa vår er samansett av kvinner i alle aldrar. På sengeposten blir det gjeve pre/postoperativ behandling i forbindelse med gynekologiske operasjonar, behandling og pleie til pasientar med gynekologisk kreft, behandling av alvorleg svangerskapskvalme og abortbehandling, for å nemne noko. På poliklinikken er pasientane gravide kvinner som treng oppfølging gjennom svangerskapet, og andre kvinner med ulike gynekologiske problem. Vi gjer også mindre gynekologiske inngrep med lokalbedøving på poliklinikken.
Gynekologisk eining samarbeider med kirurgisk avdeling. Når gynekologisk eining er stengt på grunn av ferieavvikling på sommaren eller høgtider, vil du som sjukepleiar jobbe på kirurgisk avdeling. Gynekologisk sengepost er i drift fem dagar i veka, frå måndag til fredag, og er stengd i helgene. Dette inneber at gynekologiske pasientar blir overførte til kirurgisk avdeling i helgene.
Startdato vert avklart gjennom avtale.
Arbeidsoppgåver
- Mottak og oppfølging av pasientar
- Generell sjukepleie
- Pre- og postoperativ sjukepleie
Kvalifikasjonar
- Norsk autorisasjon som sjukepleiar
- Gode språkkunnskapar er heilt avgjerande for forsvarleg pasientbehandling. Ikkje-nordiske statsborgarar må minimum ha bestått Bergenstesten eller anna norsktest på B2-nivå. Dokumentasjon må leggjast ved søknad
- Relevant sjukehuserfaring
- Erfaring med gynekologiske pasienter er positivt, men ikkje et krav.
Personlege eigenskapar
Hos oss er det viktig at du:
- har respekt for den enkelte pasient
- er sjølvstendig og endringsorientert
- har gode kommunikasjonsevner
- er utadvent
- trivast/meistrar ein travel kvardag
Vi legg stor vekt på tverrfagleg samarbeid.
Vi tilbyr
- Løn i samsvar med gjeldande overeinskomst
- Medlemskap i pensjonsordning, 2% pensjonstrekk, yrkesskadeforsikring, gruppelivsforsikring og tenestereiseforsikring
- Triveleg arbeidsmiljø
- Høgt fagleg nivå
- Ein arbeidsplass som er ei inkluderande arbeidsliv-bedrift (IA-bedrift)
- Fagleg og personleg utvikling
Vitnemålsportalen
Vi oppfordrar alle søkjarar til å nytte Vitnemålsportalen for å laste opp vitnemål og karakterutskrifter. Ved å bruke Vitnemålsportalen sikrar du at dokumenta dine er verifiserte og oppdaterte. Du finn meir informasjon om korleis du brukar Vitnemålsportalen på www.vitnemalsportalen.no. Har du har tatt utdanning i utlandet, må du leggje ved godkjenning frå UDIR/NOKUT i søknaden. Om du ikkje finn alle dine relevante vitnemål i Vitnemålsportalen, kan du laste dei opp som eigne vedlegg til søknaden.
Mangfaldserklæring
Helse Fonna ønskjer å spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder, funksjonsevne og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Helse Fonna ønskjer å leggje til rette for inkluderande rekruttering.
Kontaktinformasjon
Thora-Marit Stokka Karlsen, Funksjonsleiar, +47 41863939Arbeidsstad
Karmsundgata 1205528 HAUGESUND
Nøkkelinformasjon:
Arbeidsgivar: Helse Fonna HFReferansenr.: 4842497266
Stillingsprosent: 100%
Vikariat
Startdato: 01.10.2024
Sluttdato: 31.08.2025
Søknadsfrist: 25.08.2024
- Sektor
- Offentlig
- Sted
- Karmsundgata 120, 5528 Haugesund
- Stillingsfunksjon
- Sykepleier, Helsepersonell
- FINN-kode
- 363739512
- Sist endret
- 05. aug. 2024 11:57