Korttidsavdelinga på Voss Sjukeheim søkjer helsefagarbeidar

I korttidsavdelinga på Voss Sjukeheim treng me fleire dyktige kollegaer. Me er ei variert kollegagruppe, som ynskjer mangfald i avdelinga vår. Me søkjer ny kollega som er oppteken av faget sitt, og som har ynskje om å utvikle seg videre saman med oss og avdelinga vår.

Korttidsavdelinga ligg i andre etasje på Voss Sjukeheim. Gangavstand til sentrum med tog og bussforbinding. Gratis parkering for tilsette på baksida av institusjonen. Avdelinga tar imot brukarar frå heimen eller frå sjukehuset for tidsavgrensa opphald i institusjon. Opphalda som vert avvikla i avdelinga kan tene ulike formål, mellom anna rehabiliterande, avlastande for familie, kartlegging og utgreiing eller palliasjon. Avdelinga rommar totalt 22 korttidsrom og tre øyeblikkeleg hjelp rom.

I korttidsavdelinga har alle tilsette høve til å påverke tenesta. Med tenestemottakar i sentrum, planlegg me for morgondagens tenester, i eit førebyggande perspektiv.

Fylgjande stilling er ledig:

• 100% stilling, eller mindre stillingsstorleik etter avtale
• Fast stilling er i turnus med vakter på dag, kveld og kvar 3. helg. Eventuelt kvar fjerde helg i langvakter.
• Tilsetjing fortløpande

Kvalifikasjonar:

• Autorisasjon som helsefagarbeidar. Søkjar som er under utdanning kan også søkje.
• Sjukepleiar eller vernepleiar kan også søkje.
• Meistrar munnleg og skriftleg norsk
• Du må ha gyldig arbeids- og opphaldstillating
• Personlege eigenskapar vert vektlagt

Gyldig politiattest må framsynas ved tilsetjing

Me ynskjer:

• Kollega som trivst med å arbeide i eldreomsorga og som er motivert for å gje våre brukarar trygg og omsorgsfull hjelp i alle ledd.
• Du er kreativ og engasjert.
• Du er fagleg trygg, modig og raus og evnar å gjere tenesta, kollegaer og brukarane våre gode.
• Du tar ansvar og likar å arbeide kunnskapsbasert og sjølvstendig
• Du har gode kommunikasjonsevner og evnar å samarbeide med kollegaene dine
• Du er løysingsorientert
• Generelt gode datakunnskapar

Arbeidsoppgåver:

• Heilskapleg pleie og omsorg
• Helsefaglege oppgåver
• Vere pådrivar for eigenmeistring og bidra til å ivareta bebuar sin identitet, eigenverd og sjølvstende.
• Ivareta dokumentasjonsplikta
• Kommunisere med brukar og tilsette
• Opplæringsansvar for lærlingar, elevar og andre som har praksis i avdelinga
• Medansvar for eit godt og inkluderande arbeidsmiljø i avdelinga

Me tilbyr:

• Spanande jobb i eit godt fagmiljø
• Gode pensjons- og forsikringsordningar
• Løn etter tariff.
• 25 000,- kr i eingongs utbetaling som rekrutteringstillegg mot eit års bindingstid for nytilsette i Voss herad.